மண், மரம், மழை, மனிதன்.

புத்தாண்டு நல்வாழ்த்துக்கள்.

2012-01-01T11:03:00.000+05:30

5 ஆம் அறிவும் ‘பஜ்ஜியும்’

2011-12-30T22:26:00.000+05:30

The belly rules themind. ~Spanish Proverb

வயிறு மனதை ஆள்கிறது– ஸ்பெயின் நாட்டுப் பழமொழி

கண்களை மூடி தியானம்

உணவு கிடைத்துவிடும் என்ற எதிர்பார்ப்பு

அண்மையில் குன்னூர் சென்றிருந்தேன். வழியில் தேநீர்அருந்த நின்றோம். நண்பர் ‘பஜ்ஜி’ சாப்பிட்டார். அருகிலிருந்த குரங்கிற்கும்கொடுத்தார். பஜ்ஜியை கைபற்றிய குரங்கு மெதுவாக வாழைக்காய் பகுதியை மாத்திரம்சாப்பிட்டுக் கொண்டு மாவுப் பகுதியை கீழே தூக்கி போட்டது.

உணவு கிடைத்த நிம்மதி


வாழ்க்காயை மாத்திரம் உண்ணும் திறமை

தூக்கி எறியப்பட்ட மாவுப் பகுதி

மிருகங்களின் ஆரோக்கிய சூட்சமம் புரிந்தது. எது வேண்டாம் என்று அதற்குத்தெரிகிறது. மேற்கண்ட பழமொழி மனிதர்களுக்கு மட்டும் தான் போல் தெரிகிறது. மிருகங்களின்மனம் வயிற்றை ஆளுகிறது. மனிதன் சில பிராணிகளை தனது உணவு கொடுத்துபழக்கியிருந்தாலும் சிலவற்றை அவைகளிடத்தில் திணிக்க முடிவதில்லை. குறிப்பாக அவைகளின்கூடுகளைப் பாருங்கள் குறிப்பாக ‘தேனீ’ பலகோடி ஆண்டுகளுக்குப் பின்னும் அதே ஆறுகோணவடிவம்தான். மிகச் சிறந்த சமூக வாழ்வியலைக் கொண்டது ‘தேனீ’. மனிதனிடத்தில் வயிறு மனத்தை ஆளுகிறது எனவே பேராசையுடன்செயல்பட்டு தன்னைத்தானே அழித்துக்கொள்வதோடு மற்ற உயிரனங்களையும் அழிக்கிறான். 6 ஆம் அறிவைத்தான் கேட்கவேண்டும்.

தமிழக கடற்கரை கிராம மக்களுக்கு சமர்ப்பிக்கிறேன்.

2011-11-25T10:44:00.001+05:30

அழியும் தருவாயில் இரயுமன்துறை கிராமம்

வெட்டிவேர் உதவியுடன் பிரேசில் நாட்டின் சா போலோ மாநிலத்திலுள்ள பெர்டியோகாஎன்ற கடற்கரை குடியிருப்பு பகுதியை கடலரிப்பிலிருந்து காப்பாறும் பணியைபொறியாளார். லூயிஸ் லுக்கினா அவர்கள் விளக்கிய போது மனம் ஏனோ இரயுமன்துறைகிராமத்தை நினைத்து வருந்தியது.

கடலரிப்பில் 'பெர்டியோகா' கடற்கரை

தென்னை நார் விரிப்பில் வெட்டிவேர் நடப்பட்டுள்ளது. வருடம் 2009

சற்று வளர்ந்த நிலையில் வெட்டிவேர்

நன்கு வளர்ந்த நிலையில் வெட்டிவேர்

சுவர் போன்ற அமைப்பில் வெட்டிவேர். பொறியாளார். லூயிஸ் லுக்கினா ICV-5 முடித்து சென்ற பின் 2011 நவம்பர் மாதம் 4 தேதி வலையேற்றியது.

தென்னைநாரில் செய்யப்படும் ஜியோ டெக்ஸ் (Geo Tex) (பொள்ளாச்சி இதற்குபெயர் பெற்றது ) என்ற விரிப்பைப்பயன்படுத்தி வெட்டிவேரை நட்டு அவர்கள் கடலரிப்பிலிருந்து குடியிருப்புக்களைகாப்பாற்றி இருப்பது மனதிற்கு மகிழ்ச்சியைத் தந்தது. முக்கிய பொருட்களானவெட்டிவேரும், தென்னைநாரும் நம்மிடம் இருந்தும் உபயோகிக்காமல் இருப்பது அறியாமையா? அல்லது ???? முடிவு நம் கையில்தான் உள்ளது. வெட்டிவேர் பாமரனின் கையிலிருந்துபெரிய கம்பெனிகளின் கைக்கு மாறியிருப்பது நிச்சயம் மிக பெரிய மாறுதல்களை உலககெங்கும் ஏற்படுத்தும். ஆனால் நாம்அதிலிருந்து பாடம் கற்கப் போகிறோமா? காலம் தான் பதில் கூறவேண்டும்.

இரயுமன்துறை பற்றிய எனது பழைய பதிவு

வெட்டிவேர் உதவியுடன் சரிவுகளில் மழைநீர் சேமிப்பு

2011-11-24T10:26:00.001+05:30

முன்னாள் தலைவர் முனைவர். டேல் ராக்மிலர் உடன்

5-வது உலக வெட்டிவேர்மாநாட்டின் (ICV-5) முடிவுகளை தொகுத்து சிறப்பு விருந்தினர்கள் வழங்கினார்கள். அதில் முனைவர்.இலட்சுமண பெருமாள்சாமி அவர்கள் இருந்தது மகிழ்ச்சியைளித்தது. உலக வெட்டிவேர் அமைப்பின்முன்னாள் தலைவர் முனைவர். டேல் ராக்மிலர் பேசும் போது வெட்டிவேர் மூலம்நிலத்தடிநீர் உயர்த்தவேண்டுமென கேட்டுக் கொண்டு என் அருகில் வந்து அமர்ந்தார்.மெதுவாக எனது 2 நிமிட படம் பற்றி கூறினேன். திரையிட்ட பின் பாராட்டியதோடு மாநாடுமுடிந்தவுடன் காங்கோ நாட்டிற்கு செல்வதாகவும் அங்குள்ள பள்ளி குழந்தைகளுக்குமொழிமாற்றம் செய்து காண்பிப்பதாகவும் கூறினார். படத்தை உருவாக்கும் போது பள்ளிக்குழந்தைகளையும், நமது மலைப்பகுதிகளையும், ஆப்பிரிக்காவின் சஹாரா பகுதிகளையும்எண்ணி உருவாக்கினேன் அது நிறைவேறுவது குறித்து மிக்க மகிழ்ச்சியடைகிறேன்.மாநாட்டிற்கு ஆங்கிலத்தில் பதிவு செய்தேன். நமக்காக தமிழ் வாசகங்களுடன் உங்கள்பார்வைக்கு.

கைவினைப் பொருட்கள் பயிற்சிப் பட்டறை – ICV 5

2011-11-16T21:27:00.000+05:30


கேரள மாநில குழு

தாய்லாந்து நாட்டிலிருந்து வந்த பயிற்சியாளர்கள் கைவினைப் பொருட்கள்பயிற்சிப்பட்டறையை சிறப்பாக நடத்தினர். கேரள மாநிலம் இடுக்கி மாவட்டத்திலிருந்துவந்த சுயஉதவிக் குழு பயிற்சி பெற்றனர்.

திரு. தாமஸ் பயிற்சியின் போது.

அவர்களில் 69 வயது நிரம்பிய திரு.தாமஸ்அவர்கள் நீண்ட பயணம் மேற்கொண்டு முழு ஈடுபாட்டுடன் கற்றுக் கொண்டது எனக்கு உற்சாகம்தந்தது. தாய்லாந்து நாட்டின் கைவினைப் பொருட்கள் பற்றி கூற வேண்டுமானால் ஒன்றைகுறிப்பிட்டாக வேண்டும். அவர்கள் இலைப் பகுதியை உபயோகிக்கின்றனர். வேர்பகுதியை தொடுவதில்லை. மொத்தத்தில் அற்புதமான அந்த படைப்புக்கள் உங்கள் பார்வைக்கு.

ICV-5 VETIVER HANDICRAFTS

More PowerPoint presentations from Paulraj Vincent

இனிய தமிழ் மக்களே உறங்கியது போதும், விழித்தெழுங்கள்.

2011-11-09T10:55:00.001+05:30

HER ROYAL HIGHNESS PRINCESS MAHA CHAKRI SIRINDHORN

தாய்லாந்து நாட்டின் HRH. இளவரசி மகா சக்ரி ஸ்ரீரின்ந்தான் அவர்களால் 5 வது உலகவெட்டிவேர் மாநாடு (ICV-5 ) லக்னோ நகரில் சென்ட்ரல் இன்ஸ்டிடூட் ஆப்மெடிசினல் அண்டு அரோமாடிக் பிளாண்ட்ஸ் (Central Institute of Medicinal andAromatic Plants ) வளாகத்தில் துவக்கி வைக்கப்பட்டது. 20 க்கும் மேற்பட்ட நாடுகளிலிருந்து பிரதிநிதிகள்கலந்து கொண்டனர். கொச்சியில் நடந்த மாநாட்டைக் காட்டிலும் விஞ்ஞான பூர்வமான ஆய்வுகள்,பெரிய கம்பெனிகளின் கட்டுமான பணிகளை படங்களாக, வீடியோவாக காண்பித்து பிரமிப்புஏற்படுத்தினர்.

சென்ட்ரல் இன்ஸ்டிடூட்ஆப் மெடிசினல் அண்டு அரோமாடிக் பிளாண்ட்ஸ்

மாநாடு முடிந்தவுடன் நாம் ஆழ்ந்த உறக்கத்தில் இருக்கிறோம் என்று மனதில்தோன்றியது. தமிழ் பெயரான “வெட்டிவேர்” என்று உலகம் முழுவதும்அறியப்பட்டாலும், பல நாடுகள் வெட்டிவேர் உதவியுடன் பில்லியன் டாலர்களைசேமித்தாலும், ஏழை எளிய மக்களுக்கு ஆப்ரிக்க நாடுகளில் உறுதுணையாக இருந்தாலும்இதன் பிறப்பிடமான தமிழ்நாட்டில் எனது பாட்டி குடிநீரில் இதனை போட்டிருப்பார்கள்,எனது தாத்தா வெட்டிவேர் விசிறி வைத்திருப்பார், திருவிழாக்களில் சர்பத்தில்கலந்திருப்பார்கள் என்ற எளிய உபயோகமுறைகளை சொல்ல கேட்டிருக்கிறோம். ஆனால் 1000 + கி.மீ நீள கடற்கரையைகடலரிப்பிலிருந்து காப்பாற்ற வேண்டிய அவசியம், குறைந்த மழையளவில் குறுகியகாலத்தில் நீரை சேமிக்க வேண்டிய கட்டாயம், சுற்றுலாப் பயணிகளை கவரும் ஊட்டி,கொடைக்கானல், ஏற்காடு, போன்ற முக்கிய மலை வாசஸ்தலங்களின் சாலைகளை பருவ மழையின் போதுபாதுகாப்பது, கிராமப்புற சாலைகளை அதிக செலவின்றி பராமரிப்பு செய்தல், குளம்,குட்டைகளில் அதிக மண் சேராமல் தடுத்தல் போன்ற காரியங்களுக்கு வெட்டிவேரைசிறப்பாகப் பயன்படுத்த முடியும். வெட்டிவேரை மையப்படுத்தி பையோ எஞ்சினியரிங் (Bio-engineering ), பையோ ரெமடியேஷன் (Bio-remediation) பையோ வால் (Bio wall ) என்று வார்த்தைகள்மற்றநாடுகளில் பவனி வர நாம் எங்கிருக்கிறோம் என்று பார்த்தால் நிச்சயம்உறக்கத்திலிருக்கிறோம் என்று சொல்லிவிடலாம். எப்போது விழிக்கப் போகிறோம் ????

சரிவுகளில் மழைநீர் சேமிப்பு- இரு நிமிட படம்.

2011-10-26T06:54:00.000+05:30

வடகிழக்கு பருவ மழை ஆரம்பமாகி சில தினங்கள் ஆன நிலையில் திரும்பவும் நாம் சிலஎளிய முறைகளை கடைபிடித்து மழைநீரை சேமிக்கவேண்டும்.எனது பழைய பதிவு உங்கள் பார்வைக்கு. http://maravalam.blogspot.com/2007/09/blog-post_25.html

வருகின்ற 28 -30 தேதிகளில் லக்னோ நகரில் 5 வது உலக வெட்டிவேர் மாநாடுநடைபெறுகிறது. அதன் பொருட்டு வெட்டிவேர் உதவியுடன் சரிவுகளில் நீரை எளிதாக சேமிக்கலாம்என்ற 2 நிமிட படம் ஒன்றை உருவாக்கி உங்கள் பார்வைக்கு வைக்கிறேன். மாநாடு மிக சிறப்பாகநடைபெற்று உயர்ந்த தொழில்நுட்பங்கள் கிடைக்கப் பெற உங்கள் சார்பாகவும் இவ்வலைப் பூவின்சார்பாகவும் வாழ்த்துகிறேன்.

உணவு பொருட்களை வீணாக்கும் உலகின் முதல் 17 நாடுகள்.

2011-10-23T07:49:00.000+05:30

உலக உணவு தின கட்டுரைக்கு மறுமொழியில் திரு.T.சிவராமன் அவர்கள் ஒருதொடுப்பு தந்திருந்தார். உணவு பொருட்களை வீணாக்கும் உலகின் முதல் 17 நாடுகள் பற்றிஎழுதியிருந்தார்கள். காலனி ஆதிக்க நாடுகள் அதிகமாக இருந்தாலும் ஆசியா கண்டத்தில்ஜப்பான் மட்டுமே இருந்தது சற்று வியப்பை அளித்தது. இருப்பினம் அது 17 வது நாடாகஇருந்தது. ஒருபுறம் வீணாகும் உணவு பொருட்கள் மறுபுறம் பஞ்சத்தால் பல லட்சம்மக்கள் இறக்கும் அவலம். நீலிக்கண்ணீர் வடிக்கும் மேற்கு உலகம். தவறை திருத்திக் கொள்ளுமா? இல்லைதொடருமா? காலம் தான் பதில் சொல்ல வேண்டும். அதனை அந்தந்த நாட்டின் மக்கள் தொகையோடு ஒப்பிட்டு பார்க்கையில் மனம் கனத்ததுஉண்மை. பல மைல்கள் சென்று குடிநீர் எடுத்துவரும் ஆப்பிரிக்க பெண்மணிகள்.வீணாக்கும் ஒவ்வொரு உணவு பொருட்களின் “மறைந்திருக்கும் நீர்” (Virtual Water) பற்றியும் கணக்கிட்டால் நெஞ்சம்பதறுகிறது. இயற்கை நமக்கு தேவையான அனைத்தையும் தருகிறது ஆனால் நாம் அதனைதுஷ்பிரயோகம் செய்து நமது வருங்கால குழந்தைகளின் வாழ்வாதாரத்தை அழிப்பதோடுஅமைதியின்மையையும் ஏற்படுத்துகிறோம்.

Source : http://en.wikipedia.org/wiki/List_of_countries_by_populationdt 22-10-2011

http://www.rediff.com/business/slide-show/slide-show-1-heres-how-much-these-17-nations-generate-waste/20111020.htm

வெண்புள்ளி நோய்க்கு வெற்றிகரமான வீட்டு வைத்தியம்.

2011-10-19T15:47:00.002+05:30

"அழகானவள்" என்று பேரெடுக்க ஆசைப்படாத பெண்ணே உலகில் இல்லை. அழகிற்கு ஒரு ஆபத்துஎன்றால் அவளைப் பொருத்தவரை வாழ்கையே அஸ்தமனமாகிவிடும். ஆனாலும் சிலரிடம் சித்துவிளையாட்டுக்களைக் காட்டி இயற்கை கொட்டமடிக்கும். வெண்புள்ளி நோயால் எந்த ஊனமும்இல்லை என்றாலும் எல்லாம் ஊனமடைந்து விட்டதாக மனம் குறுகிவிடும். மேலும் மனதிற்குள்அழுவது மங்கையர்க்கு கைவந்த கலை. உடல் நோய் உடலை மட்டும் வதைக்கும். உள்ளத்து நோய்உள்ளத்தோடு உடலையும் சிதைக்கும். அழகு தேவதையாய் அடியெடுத்து வைத்தவள்தான் எங்கள்மருமகள் ஹேமா.

முகம் சுழிக்கும் முன்னே முத்தொன்றுப் பெற்றுக் கொடுத்தாள் எங்கள் கையில்.புதிய உயிர் ஒன்றின் வரவால் புத்துயிர் பெற்றது எங்கள் வாழ்க்கை. எல்லாம்இன்பமயம். யாருக்குமே எந்தக் குறையுமில்லை – மருமகளின் காலில் தோன்றிய கடுகளவு வெண்புள்ளி தவிர. சிரிப்பால்மறைத்துக் கொண்டிருந்தாள் சில காலம், பின்னர் சிரிப்பை மறந்தாள் சில காலம்.அவளுக்கு ஓர் குற்ற உணர்வு காரணமே இல்லாமல். பூவைத் தொடுவது போல் நாங்கள் அவளைத்தொட்டாலும், தீயைத் தொடுவதுபோல் அவள் எங்களைத் தீண்டினாள். அதிக அன்பு செலுத்திப்பார்த்தும், தோல்வியே மிஞ்சியது எங்களுக்கு.

எங்களைவிட ஆங்கில மருத்துவத்தின் மீது அபார நம்பிக்கை அவளுக்கு. மருந்துகளின் எண்ணிக்கையும்,டாக்டர்களின் எண்ணிக்கையும் கூடக்கூட வெண்தேமல் பரவும் வேகம் அதிகமாயிற்று.முடிவு???? வழக்கம்போல் தான் ---கிட்னிபிராப்ளம், ஹார்ட் பிராப்ளம், மூச்சுத் திணறல்....... பிறகு ஒரு நாள் ஹேமாவுக்குவந்தது கோமா. அவளாக பயந்து, ஆங்கில வைத்தியத்தை அடியோடு விட்டு விட்டாள். அவள் முகத்தில் சிரிப்பு இல்லாததால் நாங்களும் சிரிக்க முடியவில்லை. ஒருநாள் சித்த வைத்தியர் வடிவில் தெய்வம் அவளுக்குக் காட்சி அளித்தது.

“சின்னவைத்தியம் ஒன்று சொல்கிறேன் சீரியஸாக எடுத்துக் கொள்வாயா?” என்று கேட்டார்.

“ சீரியஸானவைத்தியங்களே என்னை சின்னப்படுத்திவிட்டபின், சின்ன வைத்தியம் என்னை என்னசெய்துவிடும்? சொல்லுங்கள் செய்கிறேன் ” என்றாள்.

“காலைவெறும் வயிற்றில், கருவேப்பிலை கொழுந்து ஒரு கைபிடி அளவு எடுத்து அத்துடன்கீழாநெல்லி கொழுந்துஇலை ஒரு கைபிடி சேர்த்து, மிக மெதுவாக மென்று விழுங்கிவா” என்றார்.

“ப் பூ.... இவ்வளவுதானா? ” என்றாள்.

“நிறையநீர் குடி. உணவைக் குறைத்து பழங்கள் பல சாப்பிடு” என்றார்.

“பத்தியம்ஏதேனும் உண்டா?” என்றாள்

“சொல்லமறந்துவிட்டேன். வெள்ளை சக்கரையை ( White Sugar) வாயால் உச்சரிக்கவோ, கண்ணால் பார்க்கவோ கூடாது ” என்றார்.

சனியனை விட்டு ஒழித்ததால் பிணியிலிருந்து விடுதலை பெற்றாள் எங்கள் குலமகள்.

“உலகத்திற்குஇதைச் சொல்லவேண்டும் மாமா ” என்றாள்.

“இணையதளத்தில் பரிமாரக் காத்திருக்கிறார்கள் இனிய நண்பர்கள், உன்னுடைய போன் நம்பர்கொடுக்கத் தயாரா? ” என்றேன்.

அதற்கு “போட்டோக்களும்தருகிறேன் மாமா”என்றாள்.

”எத்தனைவேதனைப்பட்டிருந்தால் அடுத்தவர்க்கு இது பயன்படட்டும் என்ற துணிவோடு போட்டோக்களைக்கொடுக்க முன் வருவாள்” என்றுஎண்ணி நாங்கள் பாராட்டினோம் அவளை. நீங்களும் வாழ்த்துங்கள். வாழட்டும் அவள்இன்னுமொரு நூறாண்டு சுமங்கலியாக.

மது. இராமகிருஷ்ணன்

இயற்கை விவசாயி

சந்தோஷ் பார்ம்ஸ்

பொள்ளாச்சி -642 114.

திருமதி. ஹேமா உமாசங்கர்

கைபேசி எண்.85262 32442 ( தயவு செய்து மாலை 5 மணி முதல் இரவு 8 மணி வரை)

இணைப்பு

பலருக்கும் பயன்பட இணைய தளத்தில் இதனை இணைக்க பாடுபட்ட அண்ணன் திரு வின்சென்ட்மற்றும் அண்ணன். திரு ஓசை செல்லா அவர்களுக்கும் எங்கள் மனமார்ந்த நன்றிகள். இதைமற்றவர்களுக்கு எடுத்துச் செல்லும் உங்கள் ஒவ்வொருவருக்கும் எங்கள் நன்றிகள்.

மது. இராமகிருஷ்ணன். ஹேமா உமாசங்கர்.

மக்கள் பயனுற வேண்டும் என்ற உன்னத எண்ணத்துடன் வாழ்வில்நடந்த அனுபவத்தை நம்மிடம் பகிர்ந்து கொண்டு நமது பாட்டி வைத்தியம் எளிமையானது,சிறப்பானது, அதிக செலவில்லாதது மற்றும் பின்விளைவு இல்லாதது என்ற நம்பிக்கையை விதைத்த அண்ணன் திரு. மது. இராமகிருஷ்ணன், திருமதி.ஹேமா உமாசங்கர் இருவரின் குடும்பங்களுக்கும் உங்கள் சார்பாகவும் இவ்வலைப் பூவின்சார்பாகவும் மனமார்ந்த நன்றிகளை தெரிவித்துக் கொள்ளுகிறேன். வைத்தியத்தை மற்றவர்களுடன் பகிர்ந்து கொள்ளுங்கள் நன்றி.

உலக உணவு தினம் .

2011-10-16T15:45:00.002+05:30

"The President in Washington sends word that he wishes to buyour land. But how can you buy or sell the sky? the land? The idea is strange tous. If we do not own the freshness of the air and the sparkle ofthe water, how can you buy them?

சியாட்டில் தலைவரின் 1855 ஆண்டு எழுதிய கடிதத்தின் முதல்வரிகள். நிலத்தை வாங்க விரும்புவதாக கூறிய அமெரிக்க ஜனாதிபதிக்கு எவ்வாறு ஆகாயத்தையும் , நிலத்தையும் வாங்க, விற்க முடியும் ??? என்று ஆரம்பிக்கும்கடிதம் இன்றைய உணவு பிரச்னைகளின் துவக்கம் என்று கூறலாம். நன்கு படித்தஐரோப்பியர்கள் நாடுபிடிக்கும் ஆசையில் கடல் கடந்து மற்ற கண்டங்களில் குடியேறிஅவர்களின் வாழ்வாதாரங்களை கொள்ளையடித்தனர். விஞ்ஞானம் வளர வளர மோட்டார் வாகனம்கண்டுபிடிக்கப்பட்டு அதனை செம்மைபடுத்த தென் அமெரிக்காவில் மழைக்காடுகள்அழிக்கப்பட்டு இரப்பர் தோட்டங்கள்தோன்றின. பின்னர் எரிபொருளுக்காக ஒவ்வொரு நாட்டின் இயற்கை வாழ்வாதாரங்களை பாழ்படுத்தி ஏகாதிபத்திய நாடுகள் கச்சா எண்ணெய்விற்று சொகுசு வாழ்கை வாழ்கின்றனர். தங்களின் பலத்தைக் காட்ட இன்றுவரை சண்டைகள்ஆனால் கீழ்கண்ட காரணங்களும் உணவு பற்றாக் குறைக்கு முக்கியமானவையே.

மக்கள் தொகைப் பெருக்கம் 1960இல் 3 பில்லியன் 2011இல் 7 பில்லியன்.

சராசரி வயது 1960இல் 53 வயது 2010இல் 69 வயது.

தொழிற்சாலைகள், வீட்டுமனைகள் வளர்ச்சியால்சுருங்கி வரும் விளைநிலம்.

கேளவிக் குறியாகும் வனப்பரப்பு

காடுகள் அழிப்பு மிகப் பெரிய அளவில் நடைபெறுவதால் மழையளவு குறைந்து விளைச்சல்பாதிப்பு.

2006-2008 தேவையற்ற விலையேற்றம்.

கச்சா எண்ணெய் விலையேற்றம்உணவு பொருட்களின் விலையை வெகுவாக பாதிக்கிறது. இந்தவிலையேற்றம் செயற்கையாக நிர்ணயக்கப்படுகிறது.

சொகுசு வாழ்கையில் மோட்டார் வாகன உற்பத்தி, தொழில் புரட்சியால் நிலம், நீர் மாசுபாடு இதனால் சுற்றுச்சுழல்மாசடைந்து பருவநிலை மாற்றம் ஏற்பட்டு விவசாயம் கேள்விக்குறியாகும் நிலை.


கச்சா எண்ணையால் சுற்றுச் சுழல் பாதிப்பு.

உற்பத்தி, பகிர்வு, நுகர்வு இவைகள் ஏகாதிபத்தியத்திடம் உள்ளதால் தேவையான அளவு உணவு உற்பத்தி இருந்தும் பட்டினியாகமக்கள். (உ.த.) உச்ச நீதிமன்றம் வீணாகும் தானியங்களை ஏழைகளுக்கு கொடுக்கச்சொல்லியும் நமது பிரதமர் திரு மன்மோகன் சிங் தரமறுத்ததை நாம் அறிவோம்.

ஆப்பிரிக்க நாடுகளில் லட்சக் கணக்கான ஏக்கர் நிலங்கள் ஏகாதிபத்திய நாடுகளுக்கு குத்தகை/விற்பனை செய்யப்பட்டு பயோ-டீசல்உற்பத்தி. தென் அமெரிக்காவில் உணவு பண்டங்களிலிருந்து எத்தினால் உற்பத்தி.

முக்கியமான விதை, உரம், பூச்சிகொல்லி போன்றவைகள் கொள்ளையடிக்கும் பன்னாட்டுகம்பெனிகளிடம்.

உலக வங்கி, பன்னாட்டு நிதி நிறுவனங்களின் கேள்விகுறியாகும் நம்பகத் தன்மை.

வளர்ந்த நாடுகள் விவசாயிகளுக்கு 70% மேல் மானியம் தந்து அவர்களைக் காப்பாற்றிகொண்டு வளரும் நாடுகளை மானியம் தர கூடாதுஎன வற்புறுத்தி தங்கள் நாட்டு உணவு பொருட்களை குறைந்த விலையில் வளரும் நாடுகளில்விற்று உள்ளூர் விவசாயிகளை விவசாயத்தை விட்டு வெளியேற்றுவது. (உ.த) ஹெய்தி HAITI நாட்டின் நெல் விவசாயம்அமெரிக்க அரிசி இறக்குமதியில் சிக்கி நெல் விவசாயம் பாழடிக்கப்பட்டது. இன்றுஅரிசிக்காக அமெரிக்காவை நோக்கி இருக்கும் நிலைமை.

விவசாயம் என்ற வாழ்வாதாரத்தை வணிகமாக்கி யூக வணிகம், பங்குசந்தைளில்செயற்கையாக விலையேற்றி கொள்ளையடிக்கும் ஸ்திரமற்றபன்னாட்டு வங்கிகள் மற்றும் ஹெட்ச் பண்டுகள்.

உலகமயம், தாராளமயம் விவசாயத்தை வெகுவாக பாதித்துள்ளது.

இவற்றையெல்லாம் பற்றி நன்கு அறிந்தும் நம்மை ஆளும் அரசியல் கட்சிகள் நம்மைஏமாற்றாமல் நம் வருங்கால குழந்தைகளை பட்டினியின்றி காப்பது அவர்களின் கடமை. காரணம்மேலே கூறிய அனைத்தும் தனிமனிதனால் சாதிக்க முடியாது. ஆனால் கூட்டுறவால் முடியும். கூட்டுறவே நாட்டுயர்வு.

நைஜீரிய கவிஞர் கென் சரோ விவா- சுற்றுச் சுழல் போராளி.

2011-10-09T06:07:00.000+05:30

நமது நிலத்தைக் காக்கும் இந்தப் போராட்டத்தில்ஒன்று நாம் வென்றாக வேண்டும். அல்லது நாம் கொல்லப்படுவோம். ஏனென்றால்தப்பித்து ஓடுவதற்கு நமக்கு இடமில்லை."

-நைஜீரிய கவிஞர்கென் சரோ விவா.

நைஜீரியா நாட்டின் நைஜர் பாசனப் பகுதி வளம் மிக்கது. குறிப்பாக எண்ணை வளம். மற்றவர்களை சுரண்டிவாழும் மேற்கத்திய உலகம் அமைதியாக இருந்துவிடுமா? 1958 ஆண்டு முதல் “ராயல் டச் ஷெல்” என்ற நிறுவனம் தனது எண்ணைக்கிணறுகளை தோண்ட ஆரம்பித்து இயற்கை வளங்களை மாசுபடுத்தி அங்கு வாழ்ந்த “ஓகோனி” இனமக்களின் வாழ்வாதாரத்தை சிதைத்து கொள்ளையடித்தது. அவர்களின் விடிவெள்ளியாக கவிஞர் கென் சரோ விவா இருந்தார். தனதுபடைப்புக்களால் மக்களைக் கவர்ந்தார். "ஓகோனி பழங்குடிகள் வாழ்வுரிமை இயக்கத்தை" (The Movement for the Survival ofthe Ogoni People (MOSOP) ) கென் சரோவிவா 1990 ஆம் ஆண்டு நிறுவினார். கம்பெனிக்கெதிராகவும், அரசியல் சுயநிர்ணய உரிமை கோரியும் ஓகோனி மக்களுடன் 1993ஆம் ஆண்டு ஜனவரி மாதம் கென் அமைதிநடைபயணம் மேற்கொண்டார்.

மண் வளத்தையும், நீர் வளத்தையும் மாசுபடுத்தி எண்ணெய் எடுக்கப்படுகிறது.

விளைவு வஞ்சக நாடகமாடி கென் சிறையிலடைக்கபட்டார். ஓகோனிகள் வாழ்ந்த பகுதிகள் ராணுவத்தின் கீழ் வந்து வன்முறையும், அராஜகமும் கட்டவிழ்த்து விடப்பட்டன. ஷெல் நிறுவனம் தனக்கெதிராக செயல்படும் திரு.கென் சரோ விவா அவர்களை கொல்ல அரசுடன் சேர்ந்துதிட்டமிட்டு ராணுவ நீதிமன்றம்வழங்கிய தீர்ப்பின்படி, 1995 நவம்பர் 10 தேதி அன்று திரு.கென்அவர்களும் அவரது நண்பர்கள் எட்டு பேரும்தூக்கிலிடப்பட்டனர். அதற்கு எதிராக அமெரிக்க நீதிமன்றத்தில் மனித உரிமை மீறல்களுக்காகவழக்குப் பதிவு செய்து 13 ஆண்டுகளுக்குப்பின் 27 மார்ச் 2009 அன்று வழக்காடுவதற்குநாள் நிர்ணயிக்கப்பட்டது ஆனால் அதற்கு முன்பு 15.5 மில்லியன் அமெரிக்க டாலர்களை தருவதாகஒத்துக் கொண்டு ஷெல் நிறுவனம் வழக்காடுவதைத்தவிர்த்தது.

இன்றும் அங்கு எண்ணெய் குழாய்கள் பாதுகாப்புக்குஉள்ளூர் மக்களை மோதவிட்டு மனித உரிமை மீறல்கள் நடைபெற்றுக் கொண்டுதான் உள்ளது.சுற்றுச்சுழலுக்காக தன் நண்பர்களுடன் உயிரையும் தியாகம் செய்த அந்த மாவீரனின் பிறந்த நாளான இன்று அவரைப் பற்றி பகிர்ந்து கொள்ளுவதில் இவ்வலைப் பூபெருமிதம் அடைகிறது. அதே சமயம் உங்கள் எரிபொருள் தேவையை குறைத்துக் கொள்ளவும்வேண்டிக் கொள்கிறது, ஏனெனில் எரிபொருள் இதுபோன்ற படிப்பறிவு குறைந்த ஏழை மக்களின்வாழ்வாதாரங்களை அழித்து, அவர்களின் உழைப்பை சுரண்டி கொள்ளை லாபத்திற்கு இங்கேவிற்கப்படுகிறது.

முனைவர்.வாங்கரி மாத்தாய்

2011-09-27T18:41:00.001+05:30

2004 ஆண்டு நோபல் விருதுபெற்ற முதல் ஆப்பிரிக்கப் பெண்மணி முனைவர்.வாங்கரிமாத்தாய். பெண்கள் வேலை வாய்ப்பு மற்றும் முன்னேற்றம்,சுற்றுச்சுழல், மனித உரிமை, வனங்களை உருவாக்கி எரிபொருள், சுத்தமான குடிநீர்தருதல், அமைச்சர், கல்வி என்று பலதுறைகளில் கால் பதித்தவர். மிக வலுவான ஆளுமை படைத்தவர். அமெரிக்கா சென்றுபடித்து பட்டம் பெற்றாலும் தாய்நாட்டின் முன்னேற்றத்திற்காக அனைத்தையும் துறந்து கென்யாவில் 1977-ல் கிரீன் பெல்ட் இயக்கத்தை நிறுவி அதன் மூலம் மரக்கன்று நடும்பணியை செய்துவந்தார். கென்யா முழுவதும் அவரது இயக்கம் கோடிக்கணக்கான மரக்கன்றுகளை நட்டு சாதனை படைத்துள்ளது. பின்நாட்களில் அது அவருக்குநோபல் பரிசை பெற்று தந்தது. ஆட்சியாளர்களின் சுரண்டல் மற்றும் மக்கள் விரோத போக்கினை எதிர்த்து சிறை சென்றவர். அவரது “I will be a Hummingbird” என்ற துண்டுப்படம் உங்களுக்குபிடிக்கும் என்று எண்ணுகிறேன்.

25-09-2011 அன்று புற்றுநோயால் மரணமடைந்தார். அவரதுமறைவு உலக சுற்றுச்சுழல்இயக்கத்திற்கு பேரிழப்பாகும். இவ்வலைப் பூ அன்னாரது மறைவிற்கு ஆழ்ந்த அனுதாபத்தைதெரிவிப்பதோடு அவரின் மூன்று குழந்தைகளுக்கு ஆறுதலையும் தர இறைவனை வேண்டுகிறது.

அவரது நோபல் பரிசு உரையின் தமிழாக்கம்.

இன்று உலக மூங்கில் தினம்.

2011-09-18T08:16:00.002+05:30

உலக மூங்கில் தினம் ஒவ்வொருவருடமும் செப்டம்பர் மாதம் 18 தேதி கொண்டாடப்படுகிறது. உற்பத்தியில் சீனாமுதலிடத்திலும், இந்தியா இரண்டாவது இடத்திலும் உள்ளன. ஆனால் உலக வர்த்தக அளவான $ 10பில்லியன் தொகையில் சீனா சுமார் 50% பங்கைபெற்று முன்னணியிலுள்ளது. 2015 ஆண்டுகளில் இதன் அளவு $20 பில்லியனாக உயரும் எனவும், தற்போதைய உள்ளூர் வர்த்தகம் ரூ.6505கோடி எனவும் அது 2015 ஆண்டில் ரூ.26,000 கோடியாக வளர வாய்ப்புள்ளதாகவும் இந்தியவிவசாயதுறை அமைச்சகம் கூறுகிறது. மூங்கிலை பச்சைத் தங்கம், ஏழைகளின்மரம், வனவாசிகளின் வாழ்வதாரம், மற்ற மரங்களைக் காட்டிலும் அதிக கரிமில வாயுவைஎடுத்துக் கொண்டு அதிக பிராணவாயுவை வெளியேற்றும் என்கிறோம். ஆனால் மூங்கில்வளர்ப்பில் எந்த அளவிற்கு முன்னேறியிருக்கிறோம் ?

தமிழ் நாட்டில் சாதாரணமாக காணும் காட்சி.

வருத்தம் தரும் அளவிற்குத்தான் உள்ளது. உபயோகம் சுமார் 1500க்குமேலிருந்தாலும் தமிழகத்தில் மூங்கில் வளர்ப்பை ஏனோ மக்கள் விரும்புவதில்லை. இன்னும் கூடை, ஏணி,தடுப்பு போன்ற சாதாரண நிலையிலேயே மூங்கில் உபயோகம் உள்ளது. மற்ற மாநிலங்களில்நிலைமை மேம்பட்டுள்ளது. நாற்காலி, மேசை, ஒட்டுப் பலகை. ஜன்னல் மறைப்புகள் என முன்னேற்றம் உள்ளது.

வடகிழக்கு மாநிலங்களில் சுயுதவிகுழுக்கள் செய்யும் பொருட்கள்

வடகிழக்கு மாநிலங்களில்பள்ளிக்கூடங்களை மூங்கிலைக் கொண்டு கட்டுகின்றனர் என்பது மகழ்ச்சி தரும் செய்தி.

வடகிழக்கு மாநிலங்களில் மூங்கிலால் உருவாக்கப்பட்ட பள்ளிகள்

உலக அளவில் தரை, சுவற்றிற்கான ஒட்டுப் பலகை, கூரை கூட மூங்கிலில் செய்கின்றனர்என்பது வியப்பிற்கான ஒரு செய்தியாகும். ஐரோப்பாவின் முக்கிய விமான நிலையங்களில்ஒன்றான ஸ்பெயின் நாட்டின் “மார்டிரிட்” நகர விமான நிலைய T 4 பயணிகள் பகுதியின் கூரையைமூங்கிலால் செய்துள்ளனர். இயற்கை இந்தியாவிற்கு கொடுத்த கொடை “மூங்கில்”. எப்படி முன்னெடுத்துச் செல்லப்போகிறோம் ?? மத்திய அரசாங்கம் “தேசீய மூங்கில் இயக்கம்” (National Bamboo Mission) என்ற இயக்கத்தின் மூலம்பிரபலப்படுத்துகிறது வாய்ப்பைப் பயன்படுத்திக் கொள்வது நம் கையில்தான் உள்ளது

மூங்கிலால் செய்யப்பட்ட திரை மறைப்புகள் மற்றும் தரைப் பலகைகள்.


மூங்கில் கூரையில் “மார்டிரிட்” நகர விமான நிலைய T 4 பயணிகள் பகுதி

மேலதிக தகவல்களுக்கு :

தேசீய மூங்கில் இயக்கம்

படங்கள் உதவி : Mr. EcoBabu and Internet

டாலர் தேசத்தில் 1930 களில் ஏற்பட்ட புழுதிப் புயல்

2011-09-14T13:50:00.000+05:30

புழுதிப் புயல் ஏற்பட்ட பகுதிகள்

புழுதிப் புயலின் தாக்கம்

மனிதன் “விவசாயம்” என்று ஆரம்பித்த பின்னர் மேலை நாட்டினர் இயற்கையை விட்டு விலகி பேராசைகொண்டு மண்ணை மலடாக்கி, இயந்திரத்தின் உதவியுடன் உணவு மற்றும் வணிகப்பயிர் உற்பத்தி செய்து லாபமீட்டினர்.விளைவு டாலர் தேசத்தில் பஞ்சம். இன்றையதலைமுறைக்கு ஆச்சரியமாக இருக்கக்கூடும். ஃப்ரைரி (Prairie grasses) என்ற இயற்கை புல்லைஅப்புறப்படுத்தியும், தவறானவிவசாய முறையாலும் 1930 களில் புழுதிப் புயல் ஏற்பட்டு சில இடங்களில் சுமார் 6வருடமும் சில இடங்களில் 10 வருடமும் பஞ்சம் நிலவியது. பல லட்சம் மக்கள் குடிபெயர்ந்தனர். இதே நிலைமை இன்று ஆஸ்திரேலியாவில் நடை பெற்றுக் கொண்டிருக்கிறது. 15பில்லியன் மரங்களை வெட்டி இருபெரும் நதிகளை வற்றச் செய்த பெருமை மேலை நாட்டினரின்விவசாய முறையைச் சாரும்.

எனது பழைய பதிவுகள்.

ஆஸ்திரேலியாவின் மர்ரே டார்லிங் நதி படுகை பற்றிய ஒருவீடியோ

ஆஸ்திரேலியாவின் மர்ரே டார்லிங் நதிப்படுகை

மலைபோன்ற தோற்றத்தில் புழுதிப் புயல்

80 வருடங்களுக்குப் பின் புழுதிப் புயல் (Dust Bowl or Dirty thirties ) என்ற வரலாற்றுஉண்மை பேசப்படாமலும், எழுதப்படாமலும்உள்ள நிலையில் திரும்பவும் இரசாயன உரம், பூச்சி மருந்து, மரபணு மாற்றம்,பையோ-டீசல் என்று விவசாயப் புரட்சிகள் நாளொருமேனியும் பொழுதொரு வண்ணமுமாக நம் நாட்டில் திணிக்கப்படுகிறது. இவைகள்நிச்சயம் நமது இறையாண்மையை பாதிக்கும். இது ஏதோ விவசாயிகளின் பிரச்சனை என்றுவிட்டு விடாமல் நம் வாழ்வாதாரம் என்ற எண்ணத்துடன் இயற்கை வேளாண்மைக்கும், இயற்கை உணவிற்கும், உள்ளூர் காய்கறி/பழங்களுக்கும் ஆதரவு தருவோம்.இந்த ஆதரவு நம்மை பேரழிவிருந்துகாப்பாற்றும்.

புழுதிப் புயல் சமயத்தில் எடுக்கப்பட்ட புகழ்மிக்கபுகைப் படம்

மேலும் படிக்க:

http://www.english.illinois.edu/maps/depression/dustbowl.htm

தாட்பூட் என்று அழைக்கப்படும் பேஷன் ஃபுருட் ( Passion fruit )

2011-08-29T09:41:00.000+05:30

அழகிய பூ

வேப்ப மரத்தில் நன்கு படர்ந்து காய்துள்ள கொடி.

பழம்

பழத்தின் உட்பகுதி

குளிர்பானம்

தாவரவியல் பெயர் : Passiflora edulis

தாட்பூட் என்று அழைக்கப்படும் பேஷன் ஃபுருட் ( Passion fruit ) தென் அமெரிக்காவை தாயகமாகக் கொண்டது. மலைப்பாங்கான வெப்ப மண்டலப் பகுதிகளில் சிறப்பாக வளரும் இந்த கொடியின் பழம் பானங்கள் தயாரிக்க ஏற்றது. மருத்துவ குணங்கள் நிறைந்த இதன் சாறு இரத்த கொதிப்பு, புற்று நோய், ஆஸ்துமா போன்ற நோய்களின் கடுமையை குறைக்கும் என்கிறார்கள். இதன் சாற்றை எடுத்து வடகிழக்கு மாநிலங்களில் விற்பனை செய்கிறார்கள். வீட்டிலேயே மிக எளிதாக வளர்த்து குளிர் பானங்கள் நாமே தயாரிக்கலாம். இரு ஆண்டுகளுக்கு முன் நண்பர் ஒருவர் திடீரென்று 1 லட்சம் நாற்றுகள் கேட்டார். விசாரித்ததில் இதன் இலைகளைக் கொண்டு ஐரோப்பிய நாடுகள் சில மருந்துகள் தயாரிப்பதாக அறிந்தேன். இதில் பொதுவாக இரு வகை பழங்கள் உண்டு. கருநீலபழம், உண்பதற்கு ஏற்றது மலைபகுதிகளில் அதிகம் காணப்படும். மற்றொன்று மஞ்சள் நிறப் பழம், பானங்கள் தயாரிக்க ஏற்றது, சமவெளிப்பகுதியிலும் வளர்க்கூடியது. கோவையில் வீட்டின் முன்னுள்ள வேப்பமரத்தில் ஒரு கொடியை ஏற்றிவிட்டதில் காய்ப்பு நன்றாகவுள்ளது. பானங்கள் தயாரிக்க உபயோகிக்கிறோம். பந்தல் அமைத்துக் கூட இதனை வளர்க்கலாம். வீட்டுத் தோட்டத்திற்கு மிகவும் ஏற்றது.

மனம் இருந்தால் மார்க்கம் உண்டு.

2011-08-23T09:00:00.000+05:30

திரு. அரவிந்தன் தனது செடிகளுக்கு முன்.

செழிப்பாக வளர்ந்துள்ள செடிகள்

ஒரு நல்ல காரியத்தை செய்யாமல் இருப்பதற்கு நம்மில் அநேகர் பல காரணங்களை கண்டு பிடித்து செய்யாமல் இருப்போம். வெகு சிலரே பல்வேறு காரணங்கள் செய்யமுடியாமல் போவதற்கு இருந்தாலும் அவற்றை ஒதுக்கிவிட்டு காரியத்தை சாதிப்பார்கள். இரண்டாம் வகையைச் சார்ந்தவர் திரு. G.A. அரவிந்தன். 68 வயதாகும் அவர் வீட்டுத் தோட்டம் போட்டிருக்கிறார். கோவை 100 அடி சாலையிலிருந்து “நவ இந்தியா” சந்திப்பு வரை செல்லும் சாலையை விரிவு செய்ததால் இவரது வீட்டு மனையின் பரப்பு குறைந்தது ஆனால் என்ன? தோட்டப் பிரியரான அவர் சாலையின் ஓரத்திலேயே சாக்குப் பைகளில் மண் நிரப்பி சேனைக் கிழங்கு, தக்காளி, மிளகாய் என வீட்டிற்குத் தேவையான காய்கறிகளை வளர்க்கிறார். இடம் இல்லை, சாலை ஓரம் பாதுகாப்பு இல்லை, மண் பரப்பு இல்லை ஆனாலும் மனம் இருப்பதால் அவரால் செய்யமுடிகிறது. இடம் இருக்கும் மனிதரிடம் மனம் (தோட்டம் இட) இருப்பதில்லை, மனம் இருக்கும் மனிதரிடம் இடம் இருப்பதில்லை.

உலக புகைப்பட நாளில் எனது இடுக்கி மாவட்ட பயண புகைபடங்கள்.

2011-08-19T19:27:00.000+05:30

25 ஆண்டுகளுக்குப் பின் நேற்று (18-08-2011) இடுக்கி மாவட்ட பகுதியில் பயணம். மழைக்காடுகள் அழிந்துள்ளதைப் பார்க்கும் போது ஆதங்கமும், வருத்தமும் ஏற்பட்டது. நுனிக் கிளையில் அமர்ந்து அடிக் கிளையை வெட்டிக் கொண்டிருக்கிறோம் என்பது மாத்திரம் தெளிவாக்கப் புரிந்தது.

நண்பரின் பண்ணை வீடு. ஆற்றின் எதிர்புறமிருந்து.

மழைக் காடுகளை இனிமேலும் அழிப்பது, நாமே நம்மை அழித்துக் கொள்வது போன்றது.

மேற்கு மலை தொடர்ச்சியின் சிறப்பு, வெட்டி வைத்த கொம்புகள் அதிக ஈரத் தன்மை காரணமாய் தளிர்விடும் அழகு.

நண்பரின் பண்ணை வீட்டிலிருந்து பெரியாறு.

நதியின் அருகே வளர்ந்துள்ள மூங்கில்.

சர்ச்சைக்குரிய பெரியாறு.

மழைக் காடுகளைத் அழித்து தேயிலைத் தோட்டங்கள்

பாறையில் பெரணி.

உபயம் சுற்றுலாப் பயணிகள்.

ஏலம் பயிர் செய்வதால் சற்று மரக்கூட்டங்கள்.

மலை முகட்டில் மேகத்துடன் ‘ஏலப்பாறை’ கிராமம்.

பெங்களூரு மலர் கண்காட்சி ஆகஸ்ட் 2011

2011-08-13T21:44:00.000+05:30

லோட்டஸ் கோவில் , தில்லி

பெங்களூரு மலர் கண்காட்சி கண்ணாடி மாளிகை அலங்காரத்தை தவிர குறிப்பிடும்படியாக இல்லை. தில்லியிலுள்ள லோட்டஸ் கோவிலை சிறப்பாக மலர் அலங்காரத்தில் வடிவமைத்திருந்தனர். "உதகை பெர்ன் ஹில் கார்டன்" மலர் அலங்காரம் எல்லோரது கவனத்தையும் கவர்ந்தது. புதிய வகை செடிகள், திசு வளர்ப்பு செடிகள் என களைகட்டும் கண்காட்சி அவைகளில்லாமல், பெரிய நர்சரிகள் கூட இல்லாமல் இருந்தது ஏமாற்றத்தை தந்தது. மொத்ததில் பெங்களூரு மலர் கண்காட்சியும் அதன் தனித்தன்மையை இழந்து வியாபாரமாகி வருகிறது.

ஹிரோஷிமாவும், ஃபுகோஷிமாவும்.

2011-08-06T06:57:00.000+05:30

இன்று ஹிரோஷிமா அணுகுண்டு வீச்சின் 66 வது நினைவு தினம். முதலில்அவர்களுக்கு நம் அஞ்சலி. அழிப்பதிற்கு இல்லை ஆக்கப்பூர்வமாக அதனை செயல்படுத்தமுடியும் என வல்லரசுகள் உலகை நம்ப வைத்துக் கொண்டிருந்த வேளையில் ஃபுகோஷிமா அணுஉலை விபத்து நம்மை எச்சரித்தது. நிறைய நாடுகள் மறுபரிசீலனை செய்து கைவிட நம் அரசுமுனைப்புடன் செயல்படுத்த ஆரம்பித்துள்ளது. இயற்கையின் மாபெரும் ஆற்றலை மனிதன்தன்வசப்படுத்த முடியும் என நமது ஆட்சியாளர்களை வல்லரசுகள் நம்ப வைப்பதும் அதனைநம்பி ஆட்சியாளர்கள் முடிவெடுப்பதும் துரதிஷ்டமானது. வருங்காலத்தில் இதுபோன்றஅஞ்சலிகளை நமக்காக மற்றவர்கள் எடுக்கவேண்டி வரலாம்.

கீழ் கண்ட தொடர்புகளையும் படியுங்கள்

ஒரு ஹிரோஷிமா குழந்தையின் உயிர் போராட்டம்

அச்சம் தரும் அணு உலைகள் (1)
அச்சம் தரும் அணு உலைகள் (2)
அச்சம் தரும் அணு உலைகள் (3)

இந்தியாவில் 5 வது உலக வெட்டிவேர் மாநாடு

2011-07-27T06:22:00.005+05:30

சரிவு பகுதியில் வெட்டிவேர் மழைநீர் சேமிக்க உதவுவதோடு மண் அரிப்பையும் தடுக்ககிறது

5 வது உலக வெட்டிவேர் மாநாடு லக்னோநகரில் அமைந்துள்ள சென்டரல் இன்ஸ்டிடூட் ஆப் மெடிசினல் அண்டு அரோமாடிக் பிளாண்ட்ஸ்(Central Institute of Medicinal and Aromatic Plants ) வளாகத்தில் வருகின்றஅக்டோபர் மாதம் 28-30 2011, 3 நாட்களுக்குநடைபெறுகிறது.

மாநாட்டின் பொருள்: வெட்டிவேரும்பருவ நிலை மாற்றமும் ("Vetiver and Climate Change")

மேலதிக தகவல்களுக்கு கீழ்கண்ட தொடர்பை உபயோகியுங்கள்

Central Institute of Medicinal and Aromatic Plants

தொடர்பிற்கு

ICV-5 secretariat (attn. Dr. U.C. Lavania)
Central Institute of Medicinal and Aromatic Plants
P.O. CIMAP, Lucknow226 015, India
Website: http: //icv-5.cimap.res.in
e-mail: icv-5@cimap.res.in
Phone: + 91-522-2718615

அக்ரி இன்டெக்ஸ் 2011

2011-07-26T04:51:00.000+05:30

ஆண்டுதோறும் நடைபெறும் அக்ரி இன்டெக்ஸ் இந்த வருடம்வரும் 28-07-2011 வியாழன் முதல்31-07-2011 ஞாயிறு வரை கொடீசியா வளாகத்தில் நடைபெறவுள்ளது.

பி.எஸ்.ஜி. பொறியியல் கல்லூரியில் டெக்ஸ்டைல் துறையில் கைவினை கலைஞர்களுக்கு பயிற்சி.

2011-07-25T14:57:00.000+05:30

புதுதில்லி இந்தியஅரசு கைவினைப் பொருட்கள் வளர்ச்சி ஆணையகமும், பி.எஸ்.ஜி. பொறியியல் கல்லூரியும்இணைந்து டெக்ஸ்டைல் துறையில் கைவினை கலைஞர்களின் திறமையை மேம்படுத்தவும் நவீன இயந்திரதொழில் நுட்பத்தினை அறிமுகப்படுத்தும் நோக்கமாகவும் தொழிலில் ஈடுபட்டுள்ள கைவினைகலைஞர்களுக்கு குறுகிய மற்றும் நீண்ட கால பயிற்சி வகுப்புக்கள் முறையே ஒரு மாதம்மற்றும் நான்கு மாத கால பயிற்சி அளித்து வருகின்றது.இந்த பயற்சியில் டெய்லரிங், எம்ராய்டரி, கம்பியூட்டர் கொண்டு ஆடைகள் வடிவமைக்கும்முறை(CAD) , பிரிண்டிங் என்று பயிற்சி அளிக்கப்படுகிறது. இந்தபயிற்சியின் போது கலைஞர்களுக்கு “கூலி இழப்பு” தொகையாகமாதம் ரூ2000/= அளிக்கப்படுகிறது. மேலும் கைவினை கலைஞர்களுக்கானஅடையாள அட்டை, மருத்துவக் காப்பீடு , மற்றும் பயிற்சிக்கான சான்றிதழும்பயிற்சியின் முடிவில் வழங்கப்படுகிறது.

இப்பயிற்சியானது கடந்த 29-01-2009 முதல் தொடர்ந்து ஐந்து ஆண்டுகளுக்கு தொடர்ச்சியாக நடத்தபடுகிறது.

தொடர்பிற்கு

துறைத் தலைவர்,

டெக்ஸ்டைல் டிபார்ட்மெண்ட்

பி.எஸ்.ஜி. பொறியியல் கல்லூரி

பீளமேடு

கோவை.641 004.

அலைபேசி எண்: 98654 34528

இப்பதிவை படிக்கும் அன்பான வாசகர்களுக்கு ஓர் வேண்டுகோள்.பிறர்க்கு இச்செய்தியை தெரிவியுங்கள் / பகிர்ந்துகொள்ளுங்கள். குறிப்பாக சுயுதவி குழுக்கள் மற்றும் தன்னார்வ தொண்டு நிறுவனங்கள்.

உழவர் தினம் 2011--புகைப்படம்

2011-07-23T21:17:00.001+05:30

உழவர் தினம் - 2011 இல் கலந்து கொள்ளும் வாய்ப்பு கிடைத்தது.அங்கு பார்த்தவைகளை புகைப்படமாய் உங்கள் பார்வைக்கு வைக்கிறேன்.

Farmer's Day 2011 @ Tnau

More PowerPoint presentations from Paulraj Vincent

மாநிலம் தழுவிய உழவர் தினக் கொண்டாட்டம்.

2011-07-19T21:59:00.000+05:30

கோவை வேளாண்மை பல்கலைக் கழக வளாகத்தில் வருகின்ற வெள்ளி (22-07-2011) முதல்ஞாயிறு (24-07-2011) வரை 3 நாட்களுக்கு மாநிலம் தழுவிய உழவர் தின கொண்டாட்டம் நடை பெறவுள்ளது. அச்சமயம் 5 விவசாயஅன்பர்களுக்கு வேளாண் செம்மல் விருது வழங்கப்படவுள்ளது. புதிய பயிர் வகைகள் மற்றும்பண்ணைக் கருவிகளை வெளியிடவுள்ளனர். தமிழகத்திலுள்ள வேளாண் ஆராய்ச்சிநிறுவனங்களும், வேளாண்மை அறிவியல் நிலையங்களும் (KVK) தங்கள் கண்டுபிடிப்புக்களை பார்வைக்கு வைக்கின்றனர். பல்வேறுகருத்தரங்கங்களும் நடைபெறவுள்ளது. அனைவரும் கலந்துகொண்டு பயன் பெறுவோம்.

“Economy of Permanence” By Dr.J.C .குமாரப்பா இலவச மின்நூல்.

2011-07-13T21:43:00.000+05:30

காந்திய பொருளாதாரத்தை வலுப்படுத்தி எழுதப்பட்ட நூல். கிராம பொருளாதாரத்தையும்,இயற்கை, சுற்றுச்சுழல், வாழ்வாதாரம் பற்றி 1945 ஆண்டு வெளிவந்த நூல். “Small isBeautiful” என்ற நூலின் ஆசிரியர் குறிப்பு நூல்களில் மேற்கண்ட நூலைகுறிப்பிட்டுள்ளார். மகாத்மா காந்தி அவர்கள் முன்னுரையில் இந்நூலை கவனமாக இரண்டுமூன்று முறை படித்தால்தான் முழுமையாக மதிப்பிட முடிமென்கிறார். கிராம தொழில்களின்மருத்துவர் என்றும், கிராம தொழில்களே இன்றைய சுழலில் வற்றாத பொருளாதாரத்தைதரமுடியும் என்றும் எழுதும் அவர் “எளிய வாழ்கை உயர்ந்த எண்ணங்கள்”\ என்று முடிவாகக் கூறியுள்ளார்.

ரூ.35/=விலையுள்ளஇந்த புத்தகத்தை கீழ் கண்ட விலாசத்தில் பெற்றுக் கொள்ளலாம்.

M/s Sarva Seva Sangh Parkashan

Rajghat

Varanasi - 221 001

Ph & Fax : 0542- 2440385

e-mail : sarvodayavns

காந்திய இலக்கிய சங்கம்.

மதுரை- 625 020

தொ.பேசி : 0452 - 2533957

மின் நூலாகப் படிக்க கீழ் கண்ட தொடர்பை பயன்படுத்துங்கள்.

http://library.du.ac.in/xmlui/bitstream/handle/1/5152/The%20economy%20of%20permanence.pdf?sequence=1

மனிதன் தானும் கெட்டு... வனத்தையும்......

2011-07-12T19:12:00.001+05:30

அன்புடன் காலை வெய்யிலை அனுபவிக்கும் குடும்பம்.

உணவு கிடைத்தவுடன் உறவை தவிர்கக திரும்பிக்கொள்கிறது.

உறவை நோக்கி உஷ்ணப் பார்வை.

சென்ற ஏப்ரல் மாதம் உதகை செல்லவேண்டி வந்தது. வழியில் சற்று ஓய்வு எடுத்து திரும்பசெல்லாமென்று முடிவு செய்தோம். காலை வேளை 3 குரங்குகள் தங்கள் குட்டிகளுடன் காலை வெய்யிலை அனுபவித்துக் கொண்டிருந்தன.காரில் வந்த அந்த உபகாரி ஒரு தட்டில் கொஞ்சம் உணவை சற்று தள்ளி வைத்து விட்டு சென்றுவிட்டார். அடுத்தசில நிமிடங்கள் என்னை கவனம் கொள்ள வைத்தது. குரங்குகளின் குணம் மாறியது. வேகமாகபாய்ந்து அதனை கைபற்றிய ஒன்று மற்றவைகளை அண்டவிடாமல் முழுவதும் முடிந்தபின்தான்சென்றது. குட்டியைக் கூட ஓரமாக வைத்து உணவை காலி செய்தது. மாலையில் திரும்பிவரும்போது அதே இடத்தில் உணவிற்காக அவைகள் காத்திருந்தன.

குட்டியைக்கூட பின்தள்ளி உண்ணும் அவசரம்

அடுத்த உணவை நோக்கிக் கண்கள்

எண்ணையில் செய்த, சமைத்த உணவுகள் தருவதைத் தவிர்ப்போம். அப்படியே தருவதென்றால்பழங்களைத் தருவோம். பழங்களையும் இரசாயன முறையில் பழுக்க வைக்கிறோம் என்பது வேறுவிஷயம். இப்படி உணவைத் தருவதால் அவைகள்தங்கள் இயல்பான வாழ்கையிலிருந்து மாறி காடுகளுக்குள் செல்வதை தவிர்த்து அந்தஇடத்திலேயே இருக்கின்றன. மேலும் குழந்தைகள் ஏமாந்து இருக்கும் போதுஅவர்களிடமிருந்து உணவுபண்டங்களை பிடுங்கி சென்று விடுகின்றன. இதனால் குழந்தைகள்பயந்துவிடுகின்றனர். உணவினால் சுகவீனம் வரும்போது நாம் மருத்துவர்களிடம்சென்றுவிடுகிறோம். அவைகள் எங்கு செல்லும்??? பிளாஸ்டிக் பைகள் போன்றவற்றில்தரும்போது சுற்றுச்சுழலை மாசுபடுத்துடன் அதனையும் சேர்த்தே உண்ணும் அபாயம் உள்ளது.வன உயிர்களுக்கு உபகாரம் செய்வதாக எண்ணி அவைகளுக்கு உபத்திரவம் தருகிறோம். இயற்கைஅவைகளை கவனித்துக் கொள்ளும் !!!!!

எரிசக்தி மரவளர்ப்புத் திட்டம்

2011-07-08T18:46:00.000+05:30

மின்சாரம் இன்றைய வாழ்வு முறையில் தவிர்க்க முடியாத ஒன்றாகிவிட்ட நிலையில்அதனை சுற்றுசுழலை பாதிக்காத வகையில் உற்பத்தி செய்வதுதான் அடுத்த தலைமுறைக்கு நாம்செய்யும் உதவியாக இருக்கும். அந்த வகையில் காற்றாலை, சூரியஒளி, கடல் அலை போன்றவைபிரபலம். தற்சமயம் தாவரக் கழிவுகளை எரிசக்தியாக பயன்படுத்தி மின்உற்பத்தி செய்துநமது மின்சார தேவையை பூர்த்தி செய்ய நிறுவனங்கள் முன் வந்துள்ளனர். “தூய்மையான சக்தி” என்பதால் இதனை நாம் ஊக்குவிக்கவேண்டும். இதனை உற்பத்தி செய்ய மரதுண்டுகள் மற்றும் விவசாய கழிவுகள் வேண்டும். 07-07- 2011 அன்று வனகல்லூரி மேட்டுப்பாளயம் வளாகத்தில் இதுதொடர்பான ஓப்பந்தம் ஆரோமீரா எனர்ஜி பிரைவேட் லிமிடெட் என்ற நிறுவனத்திற்கும் வனக்கல்லூரிக்குமிடையே இடையே நடைபெற்றது. இதன்படி எரிசக்தி திறன்நிறைந்த மர வகைகளை தேர்வு செய்து தரிசு நிலங்களில் வளர்க்க தேவையான நாற்றுக்கள்மற்றும் தொழில் நுட்பங்களை வனக்கல்லூரிவிவசாய்களுக்கு தரும். விளைந்ததை எரிசக்திநிறுவனம் வாங்கிக் கொள்ளும். வங்கிக்கடன் வசதியும் இருக்கும் என தெரிவித்தனர். எனவேஇது நான்குமுனை கூட்டு முயற்சி. தமிழகத்தில் இதுபோன்று 14 மின்உற்பத்தி நிலையங்கள் செயல்படுகின்றன என்பது உபரித் தகவல்.

தூய்மையான சக்தி, தரிசு நிலமேம்பாடு, மரங்களின் பரப்பு அதிகரிப்பு, நீர் பற்றாக்குறை, வேலையாட்கள்பற்றாக்குறை, அதிகரித்து வரும் மின்தேவைக்கும், மின்பற்றாக்குறைக்கும் தீர்வு என பல நன்மைகள் இருப்பதால்விவசாய அன்பர்கள் இவைகளை கருத்தில் கொண்டு செயல்படுத்தலாம்.

மேலும் விபரங்கள் அறிய :

வன கல்லூரிமற்றும் ஆராய்ச்சி நிலையம்

கோத்தகிரி சாலை,

மேட்டுப்பாளையம். 641 301

தொலைபேசி எண்: 04254-222010.

=============================================

ஆரோ மீரா எனர்ஜி பிரைவேட் லிமிடெட்

ஆரோமீரா ஹவுஸ்

ப.எண் 11, புதிய எண்29 ஷஃபி முகமது சாலை,

ஆயிரம் விளக்கு

சென்னை-600 006.

தொலைபேசி எண் :044- 28209800

Dr.J.C.குமரப்பா கண்ட நிலையான பொருளாதாரம்

2011-07-03T21:52:00.002+05:30

டாக்டர் ஜே.சி.குமரப்பா காந்தியடிகளின் பொருளாதாரக் கருத்துக்களுக்கு உருவம் கொடுத்து விளக்கிக் கூறிய பொருளாதார மேதை ஆவார்.

இளம் வயதில் Dr. J.C. குமரப்பா

சபர்மதி ஆசிரமத்தில் காந்தியடிகளைக் காணும்போது மேற்கத்திய நாகரிகத்தின் சின்னமாகக் காட்சியளித்த குமரப்பா பிற்காலத்தில் காந்தியடிகளின் பொருளாதாரக் கருத்துக்களைப் பகுத்தறிவு பூர்வமாக அலசி ஆராய்ந்து அவற்றுக்கு உருக்கொடுத்தார்.

சத்தியம்,இயற்கையின் அனைத்துப் படைப்புகளையும் நேசிக்கும் அன்பு இந்த இரண்டு ஆன்மிக அம்சங்களை அடிப்படையாகக் கொண்டே சமுதாய வளர்ச்சிக்கான எல்லா அம்சங்களையும் காண்பதாக இருந்தது காந்தியடிகளின் பார்வை. இதை உணர்ந்து கொண்டார் குமரப்பா. ஆகவே தான் இறுதி நாள்கள் வரை காந்திய பொருளாதாரக் கருத்துகளை மற்றவர்களுக்கு எடுத்துக் கூறியும் எழுதியும் வந்ததோடு அக் கருத்துகளை நடைமுறைப்படுத்தும் பணியிலும் தன்னை அர்ப்பணித்துக் கொண்டார்.

கிராம அபிவிருத்திப் பணிகளில் ஈடுபடும் அரசு ஊழியர்களுக்கான பயிற்சி நிலையமாகவும், பல்வேறு வகைப்பட்ட கிராமக் கைத்தொழில் பொருள்களின் உற்பத்திக் கேந்திரமாகவும் ஆதாரக் கல்வியை நடைமுறைப்படுத்தியும் வந்த மதுரை மாவட்டம் கல்லுப்பட்டி காந்தி நிகேதன் ஆசிரமத்தில் தம் இறுதி நாள்களைக் கழித்தார். நாம் வாழும் இந்த பூமிப் பந்து வெப்பமடைந்து தட்பவெப்ப நிலைகளில் மாறுதல்கள் ஏற்பட்டு நம்மை அச்சுறுத்திக் கொண்டிருக்கும் இன்றைய சூழ்நிலை, எந்த அளவுக்கு அவர் கூறிய நிலையான பொருளாதாரக் கொள்கையைச் செயல்படுத்த முடியும் என்று சிந்தித்து நாம் செயல்பட வேண்டிய கட்டாயத்தை ஏற்படுத்தியிருக்கிறது.

மற்றவற்றைச் சுரண்டி அழித்து வாழும் அட்டை போன்ற உயிரினங்களைப் போல் வாழும் வாழ்க்கை, திருடி கொள்ளையடித்து வாழும் வாழ்க்கை, தொழில்முனைவோராக இருந்து கடினமாக உழைத்து வாழும் வாழ்க்கை, குழுவுடன் இணைந்து கூட்டுறவு முறையில் வாழும் வாழ்க்கை, பிறர் நலனுக்காக பெற்ற தாயைப் போல் சேவை செய்து வாழும் வாழ்க்கை என சமுதாய அமைப்பில் காணப்படும் ஐந்து வகையான பொருளாதார அமைப்பைப் பற்றிக் குறிப்பிடுகிறார் குமரப்பா.

ஒரு வேலையும் செய்யாமல் மற்றவர்களைச் சுரண்டி இயற்கையையும் அழித்து வாழ்ந்து கொண்டிருக்கும் கூட்டம், கொலை,கொள்ளை இவற்றில் ஈடுபட்டு சமுதாயத்தின் அமைதியைக் குலைத்துக் கொண்டிருக்கும் கூட்டம் இந்த இரண்டும் பெருகக் காரணம் லாப நோக்கம் மட்டுமே. லாபத்தை மட்டுமே குறிக்கோளாகக் கொண்டு சிலர் மட்டுமே கோடி கோடியாகச் சம்பாதிக்கக் காரணம், இன்றைய பொருளாதார அமைப்பேயாகும் என்பது அவரது தேர்ந்த முடிவு.

இன்றைய உலகமயமாதல் பொருளாதாரக் கொள்கையால் பொருளாதார வளர்ச்சியில் பின்தங்கிய நாடுகளிலும், வளரும் நாடுகளிலும் மக்கள் தொகையில் கணிசமான பிரிவினர் வறுமையிலும், நோய் நொடிகளிலும் சிக்குண்டு அல்லல்படுகிறார்கள்.இந்த நிலையை மாற்றியமைக்க குமரப்பா கூறும் தாய்மைப் பொருளாதார அமைப்பால் முடியும். இன்றைய சூழலில் இது நடக்கக் கூடிய ஒன்றா? என்று நாம் கேட்கலாம். ஆனால் இன்று அந்த லட்சியப் பொருளாதார இலக்கை நோக்கி விரைந்து செயல்படுவதைத் தவிர வேறு வழியில்லை.

தாய்மைப் பொருளாதாரத்தை சிறுசிறு கிராமங்களின் கூட்டமைப்பின் மூலமாகவும், நகராட்சி}மாநகராட்சிகளின் மூலமாகவும் கட்டமைக்க வேண்டும்.கிராமங்களிலும் நகரங்களிலும் எல்லோரும் நியாயமான வழிகளில் உழைத்து தங்கள் வருவாயைப் பெருக்கிக் கொள்ள வேண்டும். கிராமங்களின் கூட்டமைப்பின் மக்கள் பிரதிநிதிகளும்,நகராட்சி அமைப்புகளின் மக்கள் பிரதிநிதிகளும் கிராமங்கள், நகரங்கள் ஆகியவற்றின் ஒருங்கிணைந்த வளர்ச்சிக்கு நிபுணர்கள் துணையுடன் திட்டமிட்டு உள்ளூராட்சி அமைப்புகள் மூலமாகச் செயல்படுத்துவார்களேயானால் தாய்மைப் பொருளாதார அமைப்பு நடைமுறைப்படுத்தக் கூடிய ஒன்றாகவே இருக்கும்.

மத்திய, மாநில அரசுகள் உரிய வகையில் உதவிகள் செய்து உள்ளூராட்சி அமைப்புகளின் செயல்பாட்டில் தலையிடாதிருக்க வேண்டும். அரசியல் அதிகாரம் மாநிலங்களிலும், மத்தியிலும் சிலர் கையில் சிக்குண்டுவிடக்கூடாது.விவசாயத்துடன் இணைந்து புதிய தொழில் நுணுக்கத்தைப் புகுத்தி சிறுதொழில்கள் கிராமப்புறங்களில் வளரவும், சிறிய நீர்ப்பாசன வசதிகள் பெருகவும், அரசுகள் உதவ வேண்டும்.பள்ளிக் கல்வியும்,உயர்கல்வியும் தொழில் அறிவோடும், பண்பாடு, ஒழுக்கம் ஆகியவற்றோடும் இணைந்தும் அனைத்துப் பிரிவு சிறுவர், சிறுமியர், இளம் ஆண்கள், பெண்கள் ஆகியோருக்குக் கிடைக்க வேண்டும். அந்தந்த துறையைச் சார்ந்த நிபுணர்களும் மத்திய, மாநில அரசுகளும் இவற்றுக்கு உதவ வேண்டும்.

எல்லோருக்கும் உணவும், உடையும், இருப்பிடமும், கல்வி சுகாதார, மருத்துவ வசதியும் கிடைக்க வேண்டும். வன்முறைக் கலாசாரத்தையும்,நச்சுப் பொருள்களின் உற்பத்தியையும்,நுகர்வையும் விலக்கி வாழும் வாழ்க்கைக்கு வகை செய்யும் பொருளாதார அமைப்பை ஏற்படுத்த வேண்டும். இம் முயற்சியில் நாம் நம்மை அர்ப்பணித்துக் கொள்வதன் மூலமாகவே இன்றைய சவால்களான வறுமை, வேலையின்மை, வன்முறை, பயங்கரவாதம், இயற்கையின் பேரழிவு, கலாசார சீர்குலைவு, கொள்கையற்ற அரசியல், குறுகிய சாதி, மத, இன வேறுபாடுகளால் ஏற்படும் மோதல்கள் ஆகியவற்றைச் சமாளிக்க முடியும்.

தாய்மைப் பொருளாதார அமைப்பில் ராணுவ தளவாடங்களின் உற்பத்திக்கும் பெருக்கத்திற்கும் இடம் இருக்க முடியாது. செல்வந்தர்களும்,செல்வ வளம் மிக்க நாடுகளும் தங்களைத் தர்மகர்த்தாக்களாகக் கருதி ஏழை எளியவர்களும், பின்தங்கிய நாடுகளும் உயர உதவ வேண்டும். இல்லையெனில் வன்முறையும், கொலையும் கொள்ளையும் பெருகுவதுடன் இந்த பூமி விரைந்து வெப்பமடைந்து, தட்பவெப்ப மாறுதல்களும் நிகழ்ந்து மனித சமுதாயம் மிக பயங்கரமான விளைவுகளை எதிர்நோக்க நேரிடும்.

வெறுப்பும் சோர்வும் கொண்டு அவற்றிலிருந்து விடுபடாமல் இருக்கும் உலகுக்கு இந்தியா வழிகாட்ட வேண்டும் என்றார் காந்தியடிகள் அன்று.

இன்றைய காலகட்டத்தில் இப் பணியைச் செய்யாவிட்டால் எதிர்காலச் சந்ததியினர் நம்மை நிந்திப்பார்கள்.நாம் நம் கடமையிலிருந்து தவறியவர்களாவோம்.

திரு.ந.மார்க்கண்டன்.

காந்திகிராமம்

கிராமியப் பல்கலைக் கழக முன்னாள் துணைவேந்தர்)

தினமணி 31-01-2010 அன்று 50 வது நினைவு நாள் தொடர்பாக வெளிவந்த சிறப்பு வெளியீட்டில் வந்த கட்டுரை

வெட்டி (உபயோகமற்ற) வேர் ?? வெற்றிவேர் ?? உபயோகத்தைப் பொறுத்தது.

2011-06-30T14:42:00.001+05:30

“லவகா (Lavaka)” என்றழைப்படும் மண்சரிவு

மடகாஸ்கர் ஆப்ரிக்காவின் அருகிலுள்ள நாடு. புயல், மண் சரிவிற்குப் பெயர்பெற்றது. உலகின் வென்னிலா பீன்ஸ் (ஐஸ் க்ரீம்) ஏற்றுமதியில் 58% (2006) இவர்களுடையது.2000ம் ஆண்டு ஏற்பட்ட இரு புயல்களால் ஏற்பட்ட பாதிப்பால் வென்னிலா விவசாயம் பாதிப்பிற்குஉள்ளானது. அதனால் இந்தியாவில் வென்னிலா விவசாயம் சூடுபிடித்தது.குறிப்பாக பொள்ளாச்சி பகுதியில் தென்னையில் ஊடுபயிராக வளர்த்தார்கள் பின்மடகாஸ்கர் வென்னிலா விவசாயம் பழைய நிலைமைக்கு வந்தவுடன் இங்கு விலை வீழ்ச்சியைகண்டது. நிறைய விவசாய அன்பர்கள் சோர்வடைந்தாரகள். ஆனால் இந்தப் பதிவு அங்கு ஏற்பட்ட ஒரு மண் சரிவைவெட்டிவேர் கொண்டு சீரமைப்பு செய்வதைப் பற்றியது.

சரிவின் கீழ்பகுதியில் வெட்டிவேர் நடப்படுகிறது

சரிவின் நடுபகுதியிலும் மண் சமன்செய்யப்பட்டு வெட்டிவேர்

சரிவின் மேல்பகுதியிலிருந்து ஒரு பார்வை

மிகப் பெரிய அளவில் ஏற்படும் இந்த மண்சரிவுகளை அவர்கள் “லவகா (Lavaka)” என்று அழைக்கின்றனர்.சென்ற வருடம் ஏற்பட்ட ஒரு மண்சரிவை அவர்கள் வெட்டிவேர் கொண்டு சீரமைப்பு செய்தனர்.அதன் புகைப்பட தொகுப்பை உலக வெட்டிவேர் அமைப்பினர் அண்மையில் வெளியிட்டார்கள். கற்கள்,சிமென்ட், ஜல்லி, மணல் இல்லாமல் அதிகமான மனித உழைப்பின்றி வெற்றிகரமாக சரிசெய்துள்ளனர்.

“வெட்டிவேர்” என்ற தமிழ் பெயரால் உலகெங்கும்அறியப்படலாம், இந்தியாவைதாயகமாக கொண்டிருக்கலாம், ஆனால் அதனை நமது பாதுகாப்பிற்கும், வளர்ச்சிக்கும்உபயோகப்படுத்தவில்லை என்றால் அது வெட்டி (உபயோக மற்ற) வேர்தான். முனைப்புடன்செயல்பட்டால் அது வெற்றிவேராக மாற்றலாம். காலம்தான் பதில் கூறவேண்டும்.

மேலதிக புகைபடங்களுக்கு கீழ்கண்ட தொடர்பை உபயோகியுங்கள்.

https://picasaweb.google.com/richard.grimshaw66/VetiverSystemForLavakaRehabilitationInMadagascar?feat=content_notification

“Small is Beautiful” By E.F.ஷூமாக்கர். இலவச மின்நூல்

2011-06-18T13:20:00.001+05:30

E.F.ஷூமாக்கர் என்ற பொருளாதார நிபுணரை நான் பொருளாதார தீர்க்கதரிசியாகத்தான் பார்க்கிறேன். சில ஆண்டுகளுக்கு முன் அவர் எழுதிய “Small is Beautiful” படித்தேன். எவ்வளவு தீர்க்கமாய் எதிர்காலத்தை கணித்திருக்கிறார் என்று வியந்ததுண்டு. ஜப்பான் சுனாமி அதன் பின் ஏற்பட்ட அணு உலை பாதிப்புக்குப் பின் மீண்டும் படிக்கவேண்டுமென்று நினைத்தபோது பரிசாக அப்புத்தகம் கிடைத்தது. 1973 ஆண்டு வெளியிடப்பட்டது அப்புத்தகம். ஆனால் உலகின் சுற்றுச்சுழல், இயற்கை விவசாயம் ( குறிப்பாக மேல் மண் Top Soil) , கல்வி, எரிபொருள், அணுசக்தி, நிலைத்த பொருளாதாரம், உதவிகள் என்று எழுபதுகளில் அவர் பேசியது, எழுதியது இன்று நிஜமாகி வருவது அவரின் தீர்க்கமான கணிப்புக்கு சான்று. ஆட்சியாளர்களும், கண்டிப்பாக எல்லா துறை மாணவர்களும் படிக்க வேண்டிய ஒரு நூல். மகாத்மா காந்தி அவர்களின் மேற்கோள்கள் நிறைய உண்டு.

குறிப்பு நூல்களில் இரு இந்திய நூல்களும் உண்டு

1. Art and Swadeshi By Ananda K. Coomaraswamy

2. Economy of Permanence By J.C. Kumarappa.

அணுசக்தி …

Of all the changes introduced by man into the household of nature, large-scale nuclear fission is undoubtedly the most dangerous and profound. As a result, ionising radiation has become the most serious agent of pollution of the environment and the greatest threat to man's survival on earth.

இந்தியாவும் மரங்களும்...

The Good Lord has not disinherited any of his children and as far as India is concerned he has given her variety of trees, unsurpassed anywhere in the world. There are trees for almost all human needs. One of the greatest teachers of India was the Buddha who included in his teaching the obligation of every good Buddhist that he should plant and see to the establishment of one Tree at least every five years. As long as this was observed, the whole large of area of India was covered with trees, Free of dust, with plenty of water, plenty of shade, plenty of food and materials.

கல்வி ...

In fact, the belief in education is so strong that we treat it as the residual legatee of all our problems. If the nuclear age brings new dangers; if the advance of genetic engineering opens the doors to new abuses; if commercialism brings new temptations - the answer must be more and better education. The modern way of life is becoming ever more complex: this means that everybody must
become more highly educated.

தொடர்பிற்கு :

http://www.scribd.com/doc/11484600/Small-is-Beautiful-E-F-Schumacher

வீட்டுத் தோட்டதில் கஸ்தூரி மஞ்சள்

2011-06-02T14:42:00.000+05:30

கஸ்தூரி மஞ்சள்

தாவரவியல் பெயர் : Curcuma Aromatica

...... அங்கு கொஞ்சி விளையாடும் எம் குல பெண்களுக்கு மஞ்சள் அரைத்துப் பணிபுரிந்தாயா?...........

என்று வீரபாண்டிய கட்டபொம்மன் படத்தில் திரு. சிவாஜி கணேசன் அவர்கள் பேசியவசனம் இன்னும் நம் மனதில் பதிந்து இருக்க, பல நூறு ஆண்டுகளாக பெண்கள் பயன்படுத்தியஅழகு சாதனத்துடன் கூடிய கிருமிநாசினியான மஞ்சள் இன்று பெண்களிடத்தில் தன் மதிப்பைஇழந்து மறைந்து வருகின்றது. முக அழகிற்காகபல்வேறு “க்ரீம்” பயன்படுத்தி அழகை இழந்தவர்களும், இழந்து கொண்டிருப்பவர்களும்உண்டு. ஆனால் பலநூறு ஆண்டுகளுக்கு முன்பே நம் முன்னோர்கள் இதன் பயன் அறிந்துள்ளனர்என்பதற்கு கீழ் கண்ட பாடல் உறுதி செய்யும்.

புண்ணுங் கரப்பானும் போக்கைக் கிருமிகளும்

நன்னுமந் தாக்கினியும் நாசமாம்- வண்ணமலர்த்

தொத்தே றளகமின்னே சுக்கிலமும் புதிமாங்

கத்தூரி மஞ்சளுக்குக் காண். ( அகத்தியர் குண பாடம் )

இந்தியாவில் மங்கள நிகழ்ச்சிகளுக்கு முதன்மை பெற்றது மஞ்சள். பூமிக்குக்கீழ் விளையும் கிழங்கு வகையைச் சார்ந்தது மஞ்சள். சமையலுக்கு விரலி மஞ்சள்.மேனி அழகிற்கு கஸ்தூரி மஞ்சள். சொறி, சிரங்கு,வியர்வை நாற்றத்திற்கு மேல் பூச்சு. மேனி பளபளக்கவும், உடலிலுள்ள சிறு சிறு உரோமங்களை அகற்றவும் பயன்படுத்தப்படும். பெண்கள் இதனை தங்களின் முகப் பொலிவிற்குஉபயோகிக்கலாம். கஸ்தூரி மஞ்சளை மிக எளிதாக இயற்கை முறையில் வீட்டுத் தோட்டதில் வளர்க்கலாம்.

“ஒற்றை வைக்கோல் புரட்சி” (ஆங்கிலம்) இலவச மின்நூல்

2011-05-14T09:20:00.000+05:30

உலக விவசாயத்தை திருப்பி போட்ட நூல் என்று சொன்னால் அது மிகையில்லை. இந்தநூற்றாண்டின் இணையற்ற இயற்கை விவசாயி திரு. மாசானபு புகோக்கா அவர்கள் எழுதிய The one-Straw Revolution (ஒற்றை வைக்கோல் புரட்சி) நூல் Pdf வடிவில் கீழ்கண்டதொடர்பில் கிடைக்கிறது.

http://www.arvindguptatoys.com/arvindgupta//onestraw.pdf

“ஒற்றைவைக்கோல் புரட்சி” க்குநேர் எதிராக இந்தியாவில் நடந்த நெல் இரகக் கொள்ளை பற்றியும் தவறாமல் படியுங்கள்.இதுவும் ஆங்கிலத்தில் உள்ளது.

The Great Gene Robbery by Claude Alvares

Dr. Richharia's story - Crushed, but not defeated

The one-Straw Revolution பற்றிய எனது பழைய பதிவுக்கான தொடர்பு:

http://maravalam.blogspot.com/2008/08/blog-post.html

முகநூலில் தகவல் அளித்த வழக்கறிஞர் திரு.சுந்தரராஜன் அவர்களுக்கு நன்றி.

மெக்சிகன் கொத்தமல்லி (அ) தாய்லாந்து கொத்துமல்லி (Culantro)

2011-05-06T19:35:00.001+05:30

மெக்சிகன் கொத்தமல்லி (அ) தாய்லாந்து கொத்துமல்லி (Culantro)

நாம் உபயோகிக்கும் கொத்தமல்லி (cilantro)

இயற்கையின் படைப்புகள் எல்லாமே அதிசயமானவைகள். சில நேரங்களில் இரு வேறுபகுதிகளில் உருவம், வளர்பியல், வளரும் காலம் இவைகளில் முற்றிலுமாக வேறுபட்டு ஆனால்மணம், குணம், உபயோகத்தில் சில தாவரங்கள் ஓன்றுபட்டிருப்பது நம்மை பிரமிப்பில் ஆழ்த்தும். நாம்உபயோகிக்கும் கொத்தமல்லி இலையும் (cilantro), மேற்கிந்திய தீவுகள் மற்றும் மத்திய அமெரிக்காவைதாயகமாகக் கொண்ட மெக்சிகன் கொத்தமல்லி (அ) தாய்லாந்து கொத்துமல்லி (Culantro) இதற்கு சிறந்த உதாரணம். எனது அனுபவத்தில் வீட்டுத் தோட்டதிற்கு இந்த தாய்லாந்து கொத்தமல்லி ஏற்றதாகஉள்ளது. மணம் நமது கொத்துமல்லியைக் காட்டிலும் 2 (அ) 3 மடங்கு அதிகம். இலைகள் தடிமனாக நீண்டு இருக்கும். இலைகளின் ஓரம் இரம்பம் போன்றிருப்பதும்,

நிழல் பகுதியில் சிறப்பாக பூத்துள்ளது

பூக்களைச் சுற்றி இலைபோன்ற அமைப்பு முட்களாக மாறி பாதுகாக்கின்றது

பூக்கும் காலத்தில்பூவை சுற்றி இலைகள் முட்கள் போன்று இருப்பதால் பாதுகாப்பது எளிது. 6 மாதங்களுக்குமேல் நாம் இலைகளைப் பறிக்கலாம். பூத்து முடிந்த பின் சில மாதங்களில் விதைகள் சிதறிஇளஞ்செடிகள் தானாகவே தாய் செடியைச் சுற்றிவளரும். தாய் செடியிலிருந்து தோன்றும் இளம் செடிகளையும் பிரித்து வளர்க்கலாம்.

நேரடியான சூரிய ஒளியில் இலைகள் சிறுத்துக் காணப்படும். நிழல் பகுதியில் இலைகள் நல்ல வளர்ச்சியுடன் அதிக வாசனையுடன்இருக்கிறது. நமது நாட்டு கொத்தமல்லி போன்று விதை மூலம் எளிதாக நாற்று உற்பத்திஇல்லை என்பதால் பிரபலமாகவில்லை என்று எண்ணுகிறேன். அவசியம் வீட்டுத் தோட்டதில் இருக்க வேண்டிய பயனுள்ள தாவரம்.

அச்சம் தரும் அணு உலைகள் -- (3)

2011-04-30T23:44:00.001+05:30

செர்னோபில் அணு உலை வெடிப்பில் (1986 ) பாதிக்கப்பட்ட குழந்தைகள்

அணு உலைகள் தான் வளர்ச்சி தரும் என்பதை என்னால் ஏற்றுக் கொள்ள முடிவதில்லை. காரணங்கள் பல இருப்பினும் என்னை அதிகம் பாதிப்பது குழந்தைகளின் ஊனம். சில பணமுதலைகளுக்காக வளர்ச்சி என்று பொய் முகம் காட்டி நமது இயற்கைச் சுழலை மிக மிக அதிக பொருட்செலவில் சிதைத்து, ஏழை விவசாயிகளின் நிலங்களை அபகரித்து, அவர்களின் வாழ்வாதாரத்தை பாழாக்கி, வெகுஜனங்களின் உடல் ஆரோக்கியத்தையும் கேள்விக் குறியாக்குவதை எவ்வாறு வளர்ச்சி என்பது.

தொழில்மய நாடுகளான ஜெர்மனி, ஜப்பான், சீனா போன்ற நாடுகளே மறுபரிசீலனை செய்ய, நமது அணு விஞ்ஞானிகள் அறிவுறுத்தியும் அரசியல்வாதிகள் பிடிவாதமாக இருப்பது அவரிகளின் இறையாண்மையை கேள்விக்குறியாக்குகிறது.

ஒருவேளை ஞானம் பெற்று பசுமை புரட்சி போன்று தவறு நடந்து விட்டது மாறிவிடலாம் என்றால், அமைக்க செலவிட்ட அளவிற்கு மூடுவதற்கும் செலவிடவேண்டும்.

போபால் விஷவாயு விபத்து போன்று ஏற்பட்டால் கம்பெனிகளின் பொறுப்பு சொற்ப அளவில் மட்டுறுத்தபட்டு அவைகளின் சொத்துகளுக்கு பங்கம் வராமல் பார்த்துக் கொண்டு, இங்கே இருக்கும் பொதுஜனங்கள் 20 அல்லது 30 மைல் சுற்றளவில் வெளியேற்றப்பட்டால் என்ன? செத்துமடிந்தால் என்ன? ஆள்பவர்களுக்கு அதைப் பற்றியெல்லாம் கவலையில்லை. கம்பெனிகளின் சொத்துக்கள் பாதுகாக்கப்பட்டு அவை மேலும் பெருக வேண்டும். அவ்வளவே.

முடிவெடுக்கும் அதிகாரத்திலிருப்போர் மிக சுக வாழ்கை வாழ்ந்து 50+ வயது தாண்டியவர்கள். அவர்களுது ஆயுட்காலம் இன்னும் சொற்ப ஆண்டுகளே !! இன்றைய குழந்தைகளின் எதிர்காலம் ????

நமது ஆடம்பர வாழ்வா??? குழந்தைகளின் ஆரோக்கிய வாழ்வா?? புரிந்து கொள்ளவேண்டியது நாம்தான்.

பசுமை எரிசக்தி (Green Energy ) பற்றிய எனது பழைய பதிவு.

மாற்று எரிசக்தி

அச்சம் தரும் அணு உலைகள் - (1)
அச்சம் தரும் அணு உலைகள் - (2)

Photo Source : Internet

அச்சம் தரும் அணு உலைகள் -- (2)

2011-04-27T23:12:00.000+05:30

சுனாமியால் பாதிக்கப்பட்ட ஃபுகுஷிமா டாய்ச்சி 6 அணு உலைகளின் மூலம் பெறப்பட்ட மின்சக்தியை (10 GW ) காட்டிலும் ஜெர்மனி நாட்டில் சூரிய சக்தியின் மூலம் பெறப்படும் மின்சக்தியின் அளவு (12.1 GW ) அதிகம்.

மேலும் படிக்க :-

http://www.grist.org/list/2011-03-22-germanys-solar-panels-produce-more-power-than-japans-entire-fuku

நம் நாட்டைக் காட்டிலும் ஜெர்மனி நாட்டில் இயற்கை தரும் சூரிய ஒளி குறைவு. ஆனால் அவர்கள் பழைய 7 அணு உலைகளை மூடிவிட்டு சூரிய சக்தியின் மூலம் பெறப்படும் மின்சக்தியில் கவனம் செலுத்துகின்றனர். நாம் அதனை விடுத்து அணு மின்சாரத்தில் கவனம் செலுத்துகிறோம். அணு மின்சாரத்தை நமது அரசுகள் நம் மீது திணிக்கின்றனர். பாராளுமன்றத்தில் ஆதரவு பெற பணம் கொடுக்கப்பட்டதாக அமளி ஏற்ட்டது நினைவிருக்கலாம். ஃபுகுஷிமா கதிர் வீச்சிலிருந்து இன்னும் முழுமையாக உலகம் விடுபடாத நிலையில், செர்னோபில் பாதிப்பு தின 25 ஆண்டு அன்று ஜைதாப்பூர் அணு உற்பத்திக்கு அரசு பச்சைக் கொடி காட்டுகிறது என்றால் ‘மக்கள் அரசு‘ என கூற தயக்கமாக உள்ளது.

சிறந்த பொருளாதார மேதையும், எளிமையுமுடைய நமது மதிப்பிற்குரிய பிரதமர் திரு.மன்மோகன் சிங் அவர்களும் அதற்காக பரிந்து பேசுவது வருத்தம் தருவதாக உள்ளது. இந்தியாவின் எதிர்கால சுற்றுச்சுழல் ???????????

மேலும் படிக்க :-

http://www.thehindu.com/news/national/article1702227.ece

அச்சம் தரும் அணு உலைகள் -- (1)

2011-04-26T21:48:00.000+05:30

நிலநடுக்கங்கள், சுனாமிகள், எரி மலைக் குழம்புகளின் சீற்றங்கள் போன்ற இயற்கைப் பேரிடர்கள் ஜப்பானுக்குப் புதியவை அல்ல. சுனாமி என்ற வார்த்தையே ஜப்பானிய மொழிச் சொல்தான். ஜப்பானிய மக்கள் காலம் காலமாக பேரிடர்களுக்கிடையே வாழப் பழகிக் கொண்டவர்கள். விதியே என்று அவற்றை அமைதியாக ஏற்றுக் கொள்ளாமல், அவற்றிலிருந்து தப்பிக்க உரிய பாதுகாப்பு ஏற்பாடுகளைச் செய்து கொண்டவர்கள். அடிக்கடி நிலநடுக்கங்களுக்கு ஆளானதால் மரம், பேப்பர் போன்ற எடை குறைந்த பொருட்களைக் கொண்டு வீடுகளைக் கட்டி வாழ்பவர்கள். ஆனாலும் இவ்வருடம் மார்ச் 11 அன்று அந்நாட்டைத் தாக்கிய 9.0 ரிக்டர் அளவு நிலநடுக்கம், அதன் விளைவாக எழுந்த ஆழிப் பேரலைகள், இவை இரண்டின் காரணமாக ஃபுகுஷிமா அணு உலைகளில் ஏற்பட்ட விபத்துகள் எல்லாமாகச் சேர்ந்து ஜப்பானியர்களை கடும் துயரத்தில் ஆழ்த்தியுள்ளன.

1979-ல் அமெரிக்காவின் த்ரீ மைல் ஐலண்ட், 1986-ல் ரஷ்யாவின் செர்னோ பில் ஆகிய இரு அணு உலை விபத்துக்களுக்குப் பிறகு நடந்த மிகப் பெரிய விபத்தாக ஃபுகுஷிமா விபத்து வரலாற்றில் குறிக்கப்படும். ஜப்பானைப் பொறுத்த அளவில் 1945 ஹிரோஷிமா, நாகசாகி அணுகுண்டு வீச்சுக்குப் பிறகு நடந்த கோர விபத்தாக இதை எடுத்துக் கொள்ளலாம். பல ஊர்கள் தரைமட்டமாகின. கட்டடங்களும் பாலங்களும் இடிந்து விழுந்தன. பல இடங்களில் தீப்பிடித்துப் பரவியது. இதுவரை சுமார் 16000 பேர் பலியாகியுள்ளனர். 7,00,000 பேர் வீடுகளை இழந்துள்ளனர்.

மின்உற்பத்திக்கு அணு ஆற்றலைப் பயன்படுத்தும் நாடுகளில் உலகில் மூன்றாவது இடத்தில் இருக்கும் ஜப்பானில் மொத்தம் 55 அணு உலைகள் உள்ளன. தன்னுடைய மின்தேவையில் மூன்றில் ஒரு பகுதியை அணு ஆற்றல் மூலமே அந்நாடு நிறைவேற்றிக் கொள்கிறது. மார்ச் 11 அன்று சுனாமி தாக்கிய ஜப்பானின் கிழக்குக் கடற்கரைப் பகுதியில் 14 அணு உலைகளும் (ஃபுகுஷிமாவில் உள்ள 6 உட்பட) கொதிநீர் அணு உலைகளே. இத்தகைய உலைகளில் பயன்படுத்தப்படும் எரிபொருளான யுரேனியம் ஆக்சைடிலிருந்து வெளிப்படும் வெப்பம் நீரைக் கொதிக்க வைத்து ஆவியாக்கி, அந்த நீராவியின் சக்தியைக் கொண்டு சக்கரங்களைச் சுழலவைத்து மின்சாரத்தை உற்பத்தி செய்யக் கூடியவை. சிறு கம்புகள் வடிவத்தில் மாற்றப்பட்ட எரிபொருள், கட்டுகளாக ஆக்கப்பட்டு உலையின் மையப்பகுதியில் வைக்கப்பட்டிருக்கும். இந்த மையப் பகுதி உயர் வெப்பநிலையைத் தாங்கக் கூடியது. ஆனால் அந்த வெப்பநிலையை 2200 டிகிரி சென்டிகிரேடுக்குள் இருக்குமாறு கட்டுப்படுத்தவில்லையெனில், எரிபொருள் உருகி அதன் காரணமாக கதிர்வீச்சு அபாயம் ஏற்படும். எனவே வெப்பநிலையைக் கட்டுக்குள் வைக்க குளிர்விப்பானாக தண்ணீர் பயன்படுத்தப்படுகிறது.

சக்தி வாய்ந்த நிலநடுக்கத்தின் காரணமாக ஃபுகுஷிமா அணுஉலை குளிர்விப்பான்களுக்குக் கிடைக்க வேண்டிய மின்சாரம் துண்டிக்கப்பட்டது. உடனே இயங்கத் தொடங்கிய டீசல் ஜெனரேட்டர்கள் குளிர்விப்பான் இயந்திரங்களை செயல்பாட்டில் வைத்திருந்தன. ஆனால் சிறிது நேரத்திலேயே மணிக்கு 800 கிலோமீட்டர் வேகத்தில் தாக்கிய 10 மீட்டர் உயர சுனாமி அலைகள் ஜெனரேட்டர்களைச் செயலிழக்க வைத்துவிட்டன. (ஃபுகுஷிமா ஜெனரேட்டர்கள் 6.5 மீட்டர் உயர அலைகளை மட்டுமே தாங்கும் வகையில் வடிவமைக்கப் பட்டவை). ஜெனரேட்டர்கள் செயலிழந்ததும் செயல்பாட்டுக்கு வந்த பாட்டரிகள் 8 மணி நேரம் தாக்குப் பிடித்தன. மொபைல் ஜெனரேட்டர்களைக் கொண்டு வந்து மின்விநியோகத்தைத் தொடரச் செய்யப்பட்ட முயற்சிகள் பலன் அளிக்கவில்லை. இப்படி அடுக்கடுக்கான தோல்விகளின் காரணமாக அணு உலைகளிலிருந்து வெளியேறும் கதிர்வீச்சினைத் தடுக்க இயலாமல் போனது. அங்கிருந்து வெளிப்படும் கதிரியக்கம் ஜப்பான் நாட்டை மட்டுமல்லாது அருகில் உள்ள பல நாடுகளையும் பாதிக்கும். அங்கு விளையும் எல்லாப் பயிர்களும் விஷமாகிவிடும். ஆனாலும் ஜப்பானிய தொழில்நுட்ப வல்லுநர்களும் பிற நாடுகளிலிருந்து உதவிக்கு வந்திருக்கும் வல்லுநர்களும் சேர்ந்து நிலைமையைக் கட்டுக்குள் கொணர கடுமையான முயற்சிகளை எடுத்து வருகின்றனர்.

ஜப்பானில் நடந்த விபத்து உலகளாவிய அளவில், குறிப்பாக ஐரோப்பிய நாடுகளில், அணு உலைகளுக்கு எதிரான எதிர்ப்பலைகளைக் கிளப்பியுள்ளது. ஜெர்மனியில் 1980-க்கு முன்னர் தொடங்கப்பட்ட 7 உலைகள் மூடப்பட்டு விட்டன. இந்தியாவில் ஏற்கனவே உள்ள அணு உலைகளோடு, இறக்குமதி செய்யப்படும் 36 அணு உலைகளைக் கொண்டு 40,000 மெகாவாட் மின்சாரத்தை உற்பத்தி செய்ய நமது அரசு திட்டமிட்டுள்ளது. ஏற்கனவே இயங்கிக் கொண்டிருக்கும் உலைகளின் பாதுகாப்பு அம்சங்கள் பற்றி சுயேச்சையான, விரிவான, வெளிப் படையான ஆய்வுகள் இன்றி புதிய அணு உலைகள் பற்றி முடிவுகள் எடுக்க வேண்டாம் என நம் நாட்டு விஞ்ஞானிகள் எச் சரித்துள்ளனர். அரசு இந்த எச்சரிக்கையை உடனே கவனிக்க வேண்டும்.

-பேராசிரியர் கே. ராஜு

Source : தீக்கதிர்

செங்குத்துத் தோட்டம் ( Vertical Garden )

2011-04-22T22:32:00.000+05:30

நகரங்களில் ஏற்படும் இட நெருக்கடிக்கு இந்த செங்குத்துத் தோட்டம் தீர்வாக அமையும். அதே சமயம் மக்கும் கழிவுகளுக்கும் இது தீர்வாக அமையும். பல்வேறு முறைகளை பார்த்ததில் இந்த பை முறை சற்று எளிமையாக இருப்பதோடு குறைந்த செலவில் இதனை உருவாக்க முடியும். சாதாரணமாக குறைந்த உயரத்தில் செடிகளை வளர்க்கும் போது அதிக பட்சம் 4 அல்லது 5 செடிகளை மட்டுமே வளர்க்க முடியும். உயரம் அதிகமான இந்த பையில் பக்கங்களில் துளை செய்து குறைந்தது 20 முதல் 25 செடிகள் வளர்க்கலாம். குறிப்பாக பாலக்கீரையை சிறப்பாக வளர்க்கமுடியும். உங்கள் பார்வைக்காக சில புகைப்படங்கள்.

செங்குத்துத் தோட்டதிற்கு பை தயாராகிறது

இளம் நாற்றுக்கள்

நன்கு வளர்ந்த நிலையில் கீரைகள்

மேற்பகுதியில் 4 அல்லது 5 செடிகள் மட்டுமே வளர்க்க இயலும்.

செங்குத்து நிலையில் 20 முதல் 25 செடிகள் வளர்க்க இயலும்.

அறுவடை செய்யப்பட்ட கீரை

“INTENSIVE AGRICULTURE” காலாண்டு விவசாய இதழ் .

2011-04-09T22:49:00.000+05:30

இதழின் தோற்றம்

சில நல்ல விசயங்கள் மக்களை சென்றடைவதில் தாமதம் ஏற்படுவது இயற்கை. அதிலும் விவசாயம் சம்பந்தப்பட்டதாக இருந்தால் மேலும் தாமதமாகும். மத்திய அரசின் விவசாயத் துறையிலிருந்து வெளியாகும் “INTENSIVE AGRICULTURE” என்ற காலாண்டு இதழை கூறலாம்.

தரமான கட்டுரைகள் துறை சார்ந்த வல்லுனர்களிடமிருந்து புகைப்படங்களுடன் வருவது சிறப்பு. புள்ளி விபரங்கள் மிகவும் பயனுள்ளதாக உள்ளது. மிகவும் குறைந்த சந்தா தொகையில் நம் வீடு தேடி இந்த ஆங்கில இதழ் வருகிறது. சந்தா செலுத்திப் பயன் பெறுங்கள்.

பெரிதாக்கி படிவத்தை நகல் எடுங்கள்.

தனி இதழ் - ரூ. 2/=

வருட சந்தா - ரூ. 8/=

3 வருட சந்தா – ரூ.24/=

அனுப்பவண்டிய முகவரி :-

THE EDITOR,

INTENSIVE AGRICULTURE,

MINSTRY OF AGRICULTURE,

DIRECTORATE OF EXTENSION,

KRISHI VISTAR SADAN,

PUSA,

NEW DELHI – 110 012

மாடித்தோட்டத்தில் விளைந்தவை- புகைப்படம்

2011-03-26T21:17:00.002+05:30

கொத்தமல்லி.

கீரை

அவரை

கீரைக்காக முருங்கை ஆரம்ப நிலையில்

வெங்காயம்

டேபிள் ரோஸ்

உலக நீர் நாள்

2011-03-22T09:57:00.000+05:30

ஓவ்வொரு வருடமும் ஒரு குறிகோளுடன் கொண்டாடப்படும் “உலக நீர் நாள்” இந்த வருடம் “நகரங்களுக்குக்காக தண்ணீர்” என்ற குறிகோளுடன் கொண்டாடப்படுகிறது.

குறைந்து வரும் மழை அளவு, பெருகி வரும் மக்கள் தொகை, உலகமயம், தாராளமயத்தில் கொள்ளைபோகும் விவசாய நிலங்கள் விவேகமில்லாத விஞ்ஞான வளர்ச்சி, பன்னாட்டு கம்பெனிகளின் பிடியில் பொருளாதாரம், சுற்றுசுழல், மற்றும் விவசாயம், போன்ற காரணங்களால் கிராமங்களிலிருந்து குடிபெயரும் மக்கள் அதிக வேலை வாய்ப்புகள் தரும் நகரங்களை நோக்கி வரும் அவலநிலை எல்லா வளர்ந்து வரும் நாடுகளிலும் ஏற்பட்டு வருகிறது.

இந்த இடமாற்றம் நகரங்களின் சுற்றுச்சுழலையும், தண்ணீர் தட்டுபாட்டையும் பெருமளவு ஏற்படுத்துகிறது. அதற்கான தீர்வுகள் நம் கையில்தான் உள்ளது. மழையை தருவிக்க பெருமளவில் மரங்களை நடுதல், மழை நீர் சேமிப்பு, சேமித்த நீரை குறைவாக உபயோகித்தல், மறுஉபயோகம், மறுசுழற்சி ( 3R Reduce, Reuse, and Recycle) என்ற கொள்கையை கடைபிடித்து உபயோகித்தால் ஓரளவு கட்டுப்பாட்டிற்குள் வைத்திருக்கமுடியும். தொழிற்சாலை கழிவுகள் பெருமளவு நீராதாரங்களில் விடப்படுகிறது. வேலைவாய்ப்பை பாதிக்காதபடி இதற்கு முடிவு காணவேண்டும் இல்லையேல் அடுத்த வரும் பத்தாண்டுகள் ????? ஆண்டுகளாக இருக்கும்.

Water PPT for Children

உலக வனநாள்

2011-03-21T10:45:00.001+05:30

ஜப்பான் அணுமின் நிலையித்தில் வெடிப்பு.

மனிதர்களின் மிகப்பெரிய நண்பன் காடு.
காடுகளின் மிகப்பெரிய எதிரி மனிதன்

உலகத்தையே காக்கப் போராடும் பொதுநலவாதி மரம்....!
தன் இனத்தையே அழிக்கப் போராடும் சுயநலவாதி மனிதன்...!

காடு திருத்தி நாடாக்கினான் –

விலங்குகள் அழிந்தன –

மனிதன் விலங்கானான்.

நண்பர் திரு.ஈரோடு கதிர் அவர்களின் முகநூலில் (Face book) படித்தது

இந்த ஆண்டு வனநாளில் கிழக்குக் கடற்கரை மாநிலங்களான தமிழ்நாடு, ஆந்திர பிரதேசம், ஒரிசா, மற்றும் மேற்குவங்க அரசுகளும் மக்களும் தெளிவான அதே சமயம் நீண்டகால பாதுகாப்பு அரணைப் பற்றி சிந்திக்க வேண்டிய கட்டாயத்தில் இருக்கிறோம். கிழக்குக் கடற்கரை பகுதி அதிக அளவு இயற்கை பேரிடர்களைச் சந்திப்பதும், தமிழகத்தின் கடலருகே இரண்டு அணுமின் நிலையங்கள் இருப்பதும் இதற்குக் காரணம். சென்ற வாரம் ஜப்பானில் ஏற்பட்ட பூகம்பத்துடன் கூடிய சுனாமி என்னும் ஆழிப்பேரலை அந்நாட்டு மக்களின் வாழ்க்கை, பொருளாதாரம் மற்றும் சுற்றுச்சுழலை புரட்டிப் போட்டுள்ளது. நீண்டகால இடைவெளிகளில் வந்த இந்த இயற்கைப் பேரிடர்கள் இப்பொழுது அடிக்கடி நிகழ்கிறது. 2004 ஆண்டு ஏற்பட்ட ஆழிப்பேரலை லட்சங்களில் மக்களை அள்ளிச் சென்றது. ஜப்பானில் ஏற்பட்டது ஆயிரங்களில் என்றாலும் அணுமின் நிலையம் பழுதானதில் ஏற்பட்டுள்ள கதிரியக்கம் மக்களின் வாழ்வாதாரத்தையும் மனநிலையையும் பெருமளவு பாதித்துள்ளது. இயற்கையை வெல்லமுடியாதுதான் இருப்பினும் அது தந்த அருட்கொடை இந்த அலையாத்திக் காடுகள். 2004 ஆழிப்பேரலையில் இந்த காடுகளால் தப்பிய கிராமங்கள் உண்டு. எனவே நாம் இயற்கை பேரிடர்களை குறைக்க அலையாத்திக் காடுகளை அதிக அளவு வளர்ப்போம்.

மனிதனால் உண்டாக்கபட்ட இடர் “அணுசக்தி”. நாட்டிற்கு நாடு மிரட்டவும், சுரண்டவும் இந்த அணுசக்தி பயன்படுகிறது. நல்ல வழியில் அதனை பயன்படுத்தலாம் என்றாலும் இதுபோன்ற சமயங்களில் அவற்றின் நம்பகத்தன்மை எப்பொழுதும் கேள்விக் குறிதான். எனவே மாற்று எரிசக்தியில் கவனம் மேற்கொள்ளவேண்டிய கட்டாயத்தில் இருக்கிறோம். சூரிய சக்தி, காற்றாலை முக்கியமாக மரத்துண்டுகள் மூலம் மின்சார உற்பத்தி ஒரு நிலையான தீர்வை தரக்கூடும்.

கீழ்கண்ட தொடர்புகள் மேலும் பயனளிக்கும்

அலையாத்திக் காடுகள்.

மாற்று எரிசக்தி

மண், மரம், மழை, மனிதன்.

புத்தாண்டு நல்வாழ்த்துக்கள்.

5 ஆம் அறிவும் ‘பஜ்ஜியும்’

தமிழக கடற்கரை கிராம மக்களுக்கு சமர்ப்பிக்கிறேன்.

வெட்டிவேர் உதவியுடன் சரிவுகளில் மழைநீர் சேமிப்பு

கைவினைப் பொருட்கள் பயிற்சிப் பட்டறை – ICV 5

ICV-5 VETIVER HANDICRAFTS

இனிய தமிழ் மக்களே உறங்கியது போதும், விழித்தெழுங்கள்.

சரிவுகளில் மழைநீர் சேமிப்பு- இரு நிமிட படம்.

உணவு பொருட்களை வீணாக்கும் உலகின் முதல் 17 நாடுகள்.

வெண்புள்ளி நோய்க்கு வெற்றிகரமான வீட்டு வைத்தியம்.

உலக உணவு தினம் .

நைஜீரிய கவிஞர் கென் சரோ விவா- சுற்றுச் சுழல் போராளி.

முனைவர்.வாங்கரி மாத்தாய்

இன்று உலக மூங்கில் தினம்.

டாலர் தேசத்தில் 1930 களில் ஏற்பட்ட புழுதிப் புயல்

தாட்பூட் என்று அழைக்கப்படும் பேஷன் ஃபுருட் ( Passion fruit )

மனம் இருந்தால் மார்க்கம் உண்டு.

உலக புகைப்பட நாளில் எனது இடுக்கி மாவட்ட பயண புகைபடங்கள்.

பெங்களூரு மலர் கண்காட்சி ஆகஸ்ட் 2011

ஹிரோஷிமாவும், ஃபுகோஷிமாவும்.

இந்தியாவில் 5 வது உலக வெட்டிவேர் மாநாடு

அக்ரி இன்டெக்ஸ் 2011

பி.எஸ்.ஜி. பொறியியல் கல்லூரியில் டெக்ஸ்டைல் துறையில் கைவினை கலைஞர்களுக்கு பயிற்சி.

உழவர் தினம் 2011--புகைப்படம்

Farmer's Day 2011 @ Tnau

மாநிலம் தழுவிய உழவர் தினக் கொண்டாட்டம்.

“Economy of Permanence” By Dr.J.C .குமாரப்பா இலவச மின்நூல்.

மனிதன் தானும் கெட்டு... வனத்தையும்......

எரிசக்தி மரவளர்ப்புத் திட்டம்

Dr.J.C.குமரப்பா கண்ட நிலையான பொருளாதாரம்

வெட்டி (உபயோகமற்ற) வேர் ?? வெற்றிவேர் ?? உபயோகத்தைப் பொறுத்தது.

“Small is Beautiful” By E.F.ஷூமாக்கர். இலவச மின்நூல்

வீட்டுத் தோட்டதில் கஸ்தூரி மஞ்சள்

“ஒற்றை வைக்கோல் புரட்சி” (ஆங்கிலம்) இலவச மின்நூல்

http://www.arvindguptatoys.com/arvindgupta//onestraw.pdf

The Great Gene Robbery by Claude Alvares

Dr. Richharia's story - Crushed, but not defeated

மெக்சிகன் கொத்தமல்லி (அ) தாய்லாந்து கொத்துமல்லி (Culantro)

அச்சம் தரும் அணு உலைகள் -- (3)

அச்சம் தரும் அணு உலைகள் -- (2)

அச்சம் தரும் அணு உலைகள் -- (1)

செங்குத்துத் தோட்டம் ( Vertical Garden )

“INTENSIVE AGRICULTURE” காலாண்டு விவசாய இதழ் .

மாடித்தோட்டத்தில் விளைந்தவை- புகைப்படம்

உலக நீர் நாள்

உலக வனநாள்

மனிதர்களின் மிகப்பெரிய நண்பன் காடு. காடுகளின் மிகப்பெரிய எதிரி மனிதன்

உலகத்தையே காக்கப் போராடும் பொதுநலவாதி மரம்....!தன் இனத்தையே அழிக்கப் போராடும் சுயநலவாதி மனிதன்...!

மனிதர்களின் மிகப்பெரிய நண்பன் காடு.
காடுகளின் மிகப்பெரிய எதிரி மனிதன்

உலகத்தையே காக்கப் போராடும் பொதுநலவாதி மரம்....!
தன் இனத்தையே அழிக்கப் போராடும் சுயநலவாதி மனிதன்...!